სტრასბურგის სასამართლომ კიდევ ერთხელ აჩვენა, რომ საქართველო ისტორიის სწორ მხარესაა - სალომე ზურაბიშვილი
საქართველო, თბილისი - 2021-10-21 19:15:00
საქართველოს პრეზიდენტი სალომე ზურაბიშვილი ეხმიანება სტრასბურგის სასამართლოს გადაწყვეტილებას, რომლის თანახმადაც მან დაუშვებლად ცნო აგვისტოს ომის გამო საქართველოს წინააღმდეგ შეტანილი საჩივრები.
პრეზიდენტის თქმით, სტრასბურგის სასამართლომ კიდევ ერთხელ აჩვენა, რომ საქართველო ისტორიის სწორ მხარესაა.
"საქმეებში "ბეკოევა და სხვები საქართველოს წინააღმდეგ" და "შავლოხოვა და სხვები საქართველოს წინააღმდეგ", ადამიანის უფლებათა ევროპულმა სასამართლომ კიდევ ერთხელ აჩვენა, რომ საქართველო ისტორიის სწორ მხარესაა. სტრასბურგის სასამართლოს გადაწყვეტილება საჩივრების დაუშვებლობის შესახებ კიდევ ერთი მნიშვნელოვანი სამართლებრივი გამარჯვებაა მშვიდობიანი დეოკუპაციის გზაზე", - წერს სალომე ზურაბიშვილი "ტვიტერზე".
In “Bekoeva and Others v. Georgia" and "Shavlokhova and Others v. Georgia”, Georgia was once again shown on the right side of history by the #ECHR.
— Salome Zourabichvili (@Zourabichvili_S) October 21, 2021
The Strasbourg court ruling the appeals inadmissible is yet a new judicial important victory on our path to peaceful deoccupation
შეგახსენებთ, ადამიანის უფლებათა ევროპულმა სასამართლომ დაუშვებლად ცნო საჩივრები საქმეებზე: „ბეკოევა და სხვები საქართველოს წინააღმდეგ“ და „შავლოხოვა და სხვები საქართველოს წინააღმდეგ“.