უკრაინის ნატოში გაწევრიანებაზე რუსეთის აზრი არ გვაინტერესებს - დმიტრო კულება
საქართველო, თბილისი - 2021-10-18 20:53:00
რუსეთს არ აქვს ხმის მიცემის უფლება ჩრდილოატლანტიკურ ალიანსში უკრაინის სამომავლო წევრობასთან დაკავშირებულ დისკუსიებში. აცხადებს უკრაინის საგარეო საქმეთა მინისტრი დმიტრო კულება, რომელიც ასევე აღნიშნავს, რომ კიევს რუსეთის აზრი ამ საკითხთან დაკავშირებით არ აინტერესებს.
"ყველაზე ცუდი სცენარი უკვე განვითარდა: რუსეთის თავდასხმა უკრაინაზე, ჩვენი მიწების ოკუპაცია, ჩვენი მოქალაქეების ოკუპაცია. ამიტომაც, ჩვენ არ გვაინტერესებს რუსეთის აზრი უკრაინის ნატოში გაწევრიანების თაობაზე. რუსეთს არ აქვს ხმის მიცემის უფლება ჩრდილოატლანტიკურ ალიანსში უკრაინის სამომავლო წევრობასთან დაკავშირებულ დისკუსიებში", - ამბობს კულება.
Найгірший сценарій уже відбувся: напад РФ на Україну, окупація наших земель та вбивство наших громадян. Тому нас не цікавить думка РФ щодо вступу України до НАТО. Росія не має права голосу у дискусії про майбутнє членство України в Альянсі. https://t.co/AKK5JxfuoB
— Dmytro Kuleba (@DmytroKuleba) October 18, 2021
უკრაინის საგარეო საქმეთა მინისტრის განცხადებას წინ უსწრებდა კრემლის პრესსპიკერის, დმიტრი პესკოვის კომენტარი. პესკოვმა თქვა, რომ უკრაინის ნატოში გაწევრიანება რუსეთისთვის ყველაზე ცუდი სცენარია.