სალომე ზურაბიშვილი კოლინ პაუელის გარდაცვალებას ეხმიანება
საქართველო, თბილისი - 2021-10-18 17:54:00
საქართველოს პრეზიდენტი სალომე ზურაბიშვილი შეერთებული შტატების ყოფილი სახელმწიფო მდივნის კოლინ პაუელის გარდაცვალებას ეხმიანება. განცხადებას პრეზიდენტი მიკრობლოგ "ტვიტერზე" ავრცელებს.
სალომე ზურაბიშვილის განცხადებით, აშშ-ის ყოფილი სახელმწიფო მდივანის, კოლინ პაუელის გარდაცვალება დიდი დანაკლისია მსოფლიო დიპლომატიისთვის.
"კოლინ პაუელის გარდაცვალება დიდი დანაკლისია მსოფლიო დიპლომატიისთვის. დიადი გონება, რომელმაც 21-ე საუკუნეში გლობალური მიმართულების ჩამოყალიბებას ხელი შეუწყო. მისი ღვაწლი მაგალითია ახალგაზრდა თაობებისთვის, რომლებიც ცდილობენ, სამყარო გახადონ უფრო უსაფრთხო", - წერს ზურაბიშვილი.
The death of Colin Powell is a blow to world diplomacy.
— Salome Zourabichvili (@Zourabichvili_S) October 18, 2021
A great mind who helped shape global direction into the 21st century, his work has been an example to generations of young minds seeking to make the world a safer place.
He will be missed. Rest In Peace. pic.twitter.com/mMzetoKJ8v
შეერთებული შტატების ყოფილი სახელმწიფო მდივანი კოლინ პაუელი 84 წლის ასაკში, კოვიდ-19-ით გამოწვეული გართულებებით, გარდაიცვალა.