ახლოვდება მაკროფინანსური დახმარების გამოყოფის ვადა. დროა, მთავრობამ შეთანხმებებისადმი ვალდებულება აჩვენოს - შარლ მიშელი
საქართველო, თბილისი - 2021-08-24 11:31:00
ევროპული საბჭოს პრეზიდენტი შარლ მიშელი საქართველოს პრემიერ-მინისტრ ირაკლი ღარიბაშვილთან შეხევდრას ეხმიანება.
შარლ მიშელის თქმით, ირაკლი ღარიბაშვილთან საუბრისას ხაზი გაუსვა, რომ რეფორმები საჭიროა, როგორც არასდროს.
"პრემიერ-მინისტრ ღარიბაშვილთან ხაზი გავუსვი, რომ რეფორმები საჭიროა, როგორც არასდროს. ახლოვდება მაკროფინანსური დახმარების გამოყოფის ვადა და დროა, რომ საქართველოს მთავრობამ აჩვენოს თავისი ვალდებულება შეთანხმებებისადმი და კერძოდ, რეფორმების დღის წესრიგისადმი", - წერს შარლ მიშელი.
Underlined to prime minister @GharibashviliGe that reforms are as needed as ever.
— Charles Michel (@eucopresident) August 24, 2021
The deadline for disbursement of macro financial assistance is looming and it is time for the Georgian government to demonstrate its commitment to the agreements and notably the reform agenda. pic.twitter.com/v3GblCpssN
შეგახსენებთ, 23 აგვისტოს კიევში, ირაკლი ღარიბაშვილისა და შარლ მიშელის არაფორმალური შეხვედრა გაიმართა.