"ნაციონალურმა მოძრაობამ" "ქართულ ოცნებას" შეთანხმების ანულირება გაუადვილა - ვიოლა ფონ კრამონი
საქართველო, თბილისი - 2021-07-29 10:52:00
ევროპარლამენტარი ვიოლა ფონ კრამონი კიდევ ერთხელ ეხმიანება საქართველოში მიმდინარე პოლიტიკურ პროცესებს, კერძოდ, 19 აპრილის შეთანხმების ანულირებას.
საქართველოში ვიზიტად მყოფი ევროპარლამენტარი სოციალურ ქსელში ამერიკელი სენატორის, ჯიმ რიშის განცხადებას აქვეყნებს და აცხადებს, რომ ეთანხმება მის შინაარსს.
ამასთან, ვიოლა ფონ კრამონი დასძენს, რომ "ნაციონალურმა მოძრაობამ" "ქართულ ოცნებას" შეთანხმების ანულირება გაუადვილა.
"მართალია, სამწუხაროდ, ასევე მართალია უმსხვილესი ოპოზიციური პარტიის, "ერთიანი ნაციონალური მოძრაობის" მიმართაც, რომელსაც 19 აპრილის შეთანხმების ხელმოწერა არც კი უცდია. მათ გაუადვილეს "ქართულ ოცნებას" ხელმოწერის ანულირება. კიდევ უფრო მართალია: ამ გადაწყვეტილებებით ყველაზე მეტად საქართველოს მოსახლეობა დაზარალდება", - წერს ვიოლა ფონ კრამონი.
True. Unfortunately, the same is true for the biggest opposition party #UNM who hasn’t even started to sign the joint April 19th agreement. They made it easy for #GeorgianDream to annul their signature. Even more true: The people of #Georgia will suffer the most of the decisions. https://t.co/MVaNjGp5mx
— Viola von Cramon (@ViolavonCramon) July 29, 2021
მანამდე, ვიოლა ფონ კრამონმა განაცხადა, რომ "ქართული ოცნება" და "ნაციონალური მოძრაობა" საკუთარი მოქალაქეების ხარჯზე საშინელ პოლიტიკურ თამაშს თამაშობენ.
ვიოლა ფონ კრამონი საქართველოში გუშინ ღამით, კიევიდან ჩამოვიდა.