ორგანიზებული, წახალისებული, მიზანმიმართული ძალადობის მსხვერპლი - ნინო ლომჯარია ლექსო ლაშქარავაზე
საქართველო, თბილისი - 2021-07-11 12:38:00
საქართველოს სახალხო დამცველი ნინო ლომჯარია "ტვ პირველის" ოპერატორის ლექსო ლაშქარავად გარდავალებას ეხმიანება.
"ეს ბიჭი, ოპერატორი გარდაიცვალა, 5 ივლისის ორგანიზებული, წახალისებული, მიზანმიმართული ძალადობის მსხვერპლი... ვიზიარებ ოჯახის, ახლობლების, კოლეგების მწუხარებას", - წერს ლომჯარია სოციალურ ქსელში.
ლექსო ლაშქარავას გარდაცვალების შესახებ დღეს გახდა ცნობილი. გარდაცვალების მიზეზი ამ დროისთვის უცნობია, მიმდინარეობს ექპერტიზა.
შეგახსენებთ, ლექსო ლაშქარავა 5 ივლისს რადიკალური ჯგუფების მიერ "სირცხვილიას" ოფისის დარბევისას ძალადობის მსხვერპლი გახდა.
შინაგან საქმეთა სამინისტროს განცხადებით, ლექსო ლაშქარავას გარდაცვალების ფაქტზე გამოძიება დაიწყო.