ირაკლი ღარიბაშვილი პედრო სანჩესს შეხვდა
საქართველო, თბილისი - 2021-05-20 21:08:00
საქართველოს პრემიერ-მინისტრი ირაკლი ღარიბაშვილი ესპანეთის პრემიერ-მინისტრს პედრო სანჩესს შეხვდა. ამის შესახებ ირაკლი ღარიბაშვილი სოციალურ ქსელში წერს.
"ესპანეთში ვიზიტის ფარგლებში, შეხვედრა გავმართე ჩემს კოლეგასთან, ესპანეთის პრემიერ-მინისტრ პედრო სანჩესთან. ვისაუბრეთ საქართველოსა და ესპანეთს შორის არსებული ეკონომიკური, ბიზნეს და კულტურული ურთიერთობების განვითარებაზე. განვიხილეთ პანდემიის გავლენა ჩვენს ქვეყნებზე და ხაზი გავუსვით ვაქცინების თანაბარი განაწილების მნიშვნელობას.
პრემიერ-მინისტრი პედრო სანჩესი მისთვის ხელსაყრელ დროს საქართველოში მოვიწვიე", - წერს ირაკლი ღარიბაშვილი.