ქუთაისის მეტალურგიულ ქარხანაში ხანძარი გაჩნდა
საქართველო, თბილისი - 2021-04-27 17:14:00
ქუთაისის მეტალურგიულ ქარხანაში ხანძარია. არსებული ინფორმაციით, ცეცხლი სახურავს გაუჩნდა.
საგანგებო სიტუაციების მართვის სამსახურის ინფორმაციით, ადგილზე მეხანძრე-მაშველების ხუთი ჯგუფი მუშაობს.
ხანძარი ლოკალიზებულია და მიმდინარეობს სალიკვიდაციო სამუშაოები. რა გახდა ხანძრის გამომწვევი მიზეზი, ჯერჯერობით უცნობია.
შემთხვევის შედეგად არავინ დაშავებულა.