მადლიერნი ვართ საქართველოს ძლიერი სოლიდარობისთვის - დმიტრო კულება
საქართველო, თბილისი - 2021-04-07 19:11:00
7 აპრილს, შედგა სატელეფონო საუბარი საქართველოს ვიცე პრემიერ-მინისტრ, საგარეო საქმეთა მინისტრ დავით ზალკალიანსა და უკრაინის საგარეო საქმეთა მინისტრ, დმიტრო კულებას შორის.
აღნიშნულის შესახებ ორი ქვეყნის პირველი დიპლომატები სოციალური ქსელში წერენ.
"მქონდა სატელეფონო საუბარი ჩემს უკრაინელ კოლეგა დმიტრო კულებასთან. გამოვხატე შეშფოთება აღმოსავლეთ უკრაინაში ბოლო დროს განვითარებული მოვლენების გამო. ამასთან, გავცვალეთ ინფორმაცია საქართველოსა და უკრაინაში ოკუპაციის ფონზე არსებული სიტუაციის შესახებ და ყურადღება გავამახვილეთ ვითარების დეესკალაციის მიზნით საერთაშორისო თანამეგობრობის აქტიური ჩართულობის აუცილებლობაზე", - წერს დავით ზალკალიანი Twitter-ის პირად გვერდზე.
Had a ☎️ call W my 🇺🇦 colleague @DmytroKuleba. Expressed concern over recent developments in Eastern Ukraine. Exchanged info on ongoing situation in 🇬🇪 & 🇺🇦 on t/background of 🇷🇺 occupation & focused on importance of involvement of int'l community 4 de-escalation of tensions. pic.twitter.com/NANermQQzD
— David Zalkaliani (@DZalkaliani) April 7, 2021
"დღეს ვესაუბრე დავით ზალკალიანს და მივაწოდე ინფორმაცია რუსეთის მიერ უკრაინის დროებით ოკუპირებულ ტერიტორიებსა და ჩვენს საზღვრებთან განხორციელებული და დესტაბილიზაციისკენ მიმართული ღონისძიებების შესახებ. მადლიერნი ვართ საქართველოს ძლიერი სოლიდარობისა და მზადყოფნისთვის, რომ ერთად ვიმუშაოთ უკრაინის მიმართ საერთაშორისო კონსოლიდაციის მიმართულებით", - აღნიშნულია უკრაინის საგარეო უწყების ხელმძღვანელის მიმართვაში.
I spoke today with @DZalkaliani to inform him on Russia’s destabilizing activities in the temporarily occupied territories of Ukraine & around our borders. Grateful for Georgia’s strong solidarity, readiness to work together on consolidating international support of Ukraine.
— Dmytro Kuleba (@DmytroKuleba) April 7, 2021