სამართლიან არჩევნებზე ძალადობის, დაშინებისა და მოსყიდვის ადგილი არ არის - კინზინგერი
საქართველო, თბილისი - 2020-10-31 17:52:00
შეერთებული შტატების წარმომადგენელთა პალატის წევრი, კონგრესის აშშ-საქართველოს მეგობრობის ჯგუფის თავმჯდომარე ადამ კინზინგერი საქართველოში მიმდინარე საარჩევნო პროცესთან დაკავშირებით მიკრობლოგ Twitter-ზე განცხადებას ავრცელებს.
კინზინგერის თქმით, სამართლიან არჩევნებზე ძალადობის, დაშინებისა და მოსყიდვის ადგილი არ არის.
"თვალს ვადევნებ ჩვენს მოკავშირე საქართველოში არჩევნების მიმდინარეობის პროცესს. ყველას მოვუწოდებ, მიიღონ არჩევნებში მონაწილეობა, შეინარჩუნონ სიმშვიდე და პროცესს ხელი არ შეუშალონ. თავისუფალ და სამართლიან არჩევნებზე ძალადობის, დაშინებისა და მოსყიდვის ადგილი არ არის", - წერს ადამ კინზინგერი.
Watching our ally #Georgia ‘s elections. I encourage all to vote, stay calm, and let the process work. There is no place for cheating, intimidation, or vote buying in a free and fair election. Our nations are strong + united, and America is hopeful for #Georgia ... @usingeo
— Adam Kinzinger (@RepKinzinger) October 31, 2020