ეგზიტპოლის მიხედვით, კიევის მერის არჩევნებში ვიტალი კლიჩკო ლიდერობს
საქართველო, თბილისი - 2020-10-26 15:00:00
25 ოქტომბერს უკრაინაში ადგილობრივი არჩევნები ჩატარდა, რომლის აქტივობა, ცენტრალური საარჩევნო კომისიის ინფორმაციით, ბოლო წლების განმავლობაში ყველაზე დაბალი იყო.
გუშინდელ არჩევნებზე ამომრჩეველთა აქტივობამ 36.88% შეადგინა.
ეგზიტპოლის შედეგების თანახმად, კიევის მერის არჩევნებში ლიდერობს დედაქალაქის მოქმედი მერი ვიტალი კლიჩკო, რომელსაც ხმა მისცა ამომრჩეველთა 47,8% -მა.
"ოპოზიციური პლატფორმა - სიცოცხლისთვის" მერობის კანდიდატმა, ოლექსანდრ პოპოვმა 8.6% მიიღო.
ზელენსკის პარტიის, "ხალხის მსახურის" მერობის კანდიდატმა, ირინა ვერეშჩუკმა ამომრჩეველთა ხმების მხოლოდ 6.3% მიიღო.
გარდა ამისა, გამოკითხვის თანახმად, ვიტალი კლიჩკოს პარტია "უდარ"-ი იმარჯვებს კიევის საკრებულოს არჩევნებში.
ამავე დროს, კლიჩკოს პარტია ვარაუდობს, რომ შესაძლოა კიევში მეორე ტური არ ჩატარდეს. მათი გათვლებით, დედაქალაქის ამჟამინდელმა მერმა დაახლოებით 51% მიიღო და პირველივე ტურში იმარჯვებს.
ფოტო: reuters