ბათუმში "სიყვარულის" ქანდაკება გაიხსნება
საქართველო, თბილისი - 2010-10-20 11:14:00ქალისა და მამაკაცის მოძრავი ქანდაკება ბათუმის სანაპიროზე, ქალაქის შემოსასვლელში დაიდგა და ის რამდენიმე დღეში გაიხსნება.
"სიყვარულის" ქანდაკებისათვის ბიუჯეტიდან 2 მლნ. 400 ათასი ლარი დაიხარჯა.
მონუმენტი ფოლადის მასალისგანაა დამზადებული.
7-მეტრიანი სკულპტურა 8-10 წუთის ინტერვალით მოძრაობს. მისი ავტორი ამერიკის შეერთებულ შტატებში მოღვაწე ხელოვანი თამარ კვესიტაძეა.
სკულპტურა მუდმივი მოძრაობის, სიყვარულისა და ერთიანობის გამომხატველია და მან 2007 წელს ვენეციის ბიენალეზე მოწონება დაიმსახურა.