ტრამპის ადმინისტრაცია კონგრესისგან კორონავირუსთან საბრძოლველად 2.5 მლრდ დოლარს ითხოვს
საქართველო, თბილისი - 2020-02-25 11:34:00
შეერთებული შტატების პრეზიდენტის დონალდ ტრამპის ადმინისტრაციამ, კორონავირუსის წინააღმდეგ საბრძოლველად, 2.5 მლრდ დოლარი მოითხოვა. ნათქვამია თეთრი სახლის მიერ გავრცელებულ განცხადებაში.
"დღეს, ადმინისტრაცია კონგრესს 2.5 მლრ დოლარის მოთხოვნის გეგმას გაუგზავნის. აღნიშნული თანხა უნდა მოხმარდეს ვაქცინის შემუშავებასა და კლინიკებისა და ლაბორატორიები შესაბამისი აღჭურვილობით მომარაგებას", - ციტირებს სააგენტო Reuters-ი თეთრი სახლის წარმომადგენელზე დაყრდნობით.
თეთრი სახლის მოთხოვნას გამოეხმარუა წარმომადგენელთა პალატის სპიკერი ნენსი პელოსი და განაცხადა, რომ ადმინისტრაციის მიერ მოთხოვნილი თანხა "სრულიად არაადეკვატურია".
Americans need a coordinated, fully-funded, whole-of-government response to keep them and their loved ones safe. The President’s request for coronavirus response funding is long overdue and completely inadequate to the scale of this emergency.
— Nancy Pelosi (@SpeakerPelosi) February 25, 2020
მანამდე ამერიკული მედია ავრცელებდა ცნობებს იმასთან დაკავშირებით, რომ დონალდ ტრამპი კონგრესისგან 1 მლრდ დოლარის მოთხოვნას გეგმავდა.
ამ დროისთვის, შეერთებულ შტატებში კორონავირუსით დაინფიცირების 14 შემთხვევაა დაფიქსირებული.