აშშ გმობს რუსეთის მიერ განხორციელებულ აგრესიას უკრაინის წინააღმდეგ - მორგან ორტაგუსი
საქართველო, თბილისი - 2020-02-19 16:43:00
შეერთებული შტატები გმობს რუსეთის მიერ განხორციელებულ აგრესიულ აქტს უკრაინის წინააღმდეგ. ამის შესახებ აშშ-ის სახელმწიფო დეპარტამენტის ოფიციალურმა წარმომადგენელმა მორგან ორტაგუსმა განაცხადა.
"შეერთებული შტატები თავის პარტნიორებისა და მოკავშირეების გვერდით დგას და გმობს რუსეთის მიერ განხორციელებულ აგრესიულ აქტს უკრაინის წინააღმდეგ.
ჩვენ მხარს ვუჭერთ პრეზიდენტ ზელენსკის მშვიდობისადმი ერთგულებას და მოვუწოდებთ რუსეთს, დაუყოვნებლივ აღასრულოს ცეცხლის შეწყვეტის ვალდებულება, რომელსაც მან მინსკის შეთანხმების ფარგლებში მოაწერა", - განაცხადა ორტაგუსმა.
The United States stands with its partners and allies in condemning Russia’s latest aggression against Ukraine. We support President @ZelenskyyUA’s commitment to peace and call on Russia to immediately implement the ceasefire it signed on to in the Minsk agreements. https://t.co/HpT3RzqpE4
— Morgan Ortagus (@statedeptspox) February 19, 2020
შეგახსენებთ, 18 თებერვალს, გამთენიისას, დონბასში კრემლის მიერ მხარდაჭერილი შეიერაღებული სეპარატისტები თავს დაესხნენ უკრაინულ პოზიციებს. შეტევას ერთი უკრაინელი სამხედრო ემსხვერპლა.