თურქეთმა სირიაში სამხედრო ოპერაცია შეწყვიტა
საქართველო, თბილისი - 2019-10-23 12:21:00
თურქეთმა სირიაში სამხედრო ოპერაცია შეწყვიტა, თუმცა არ დაუსრულებია. ამის შესახებ თუქრეთის საგარეო საქმეთა მინისტრმა მევლუთ ჩავუშოღლუმ განაცხადა. მისი თქმით, საჭიროების შემთხვევაში თურქეთი მზად არის საბრძოლო მოქმედებები განაახლოს.
თურქეთმა ჩრდილო-აღმოსავლეთ სირიაში სამხედრო ოპერაცია „მშვიდობის წყარო“ 9 ოქტომბერს დაიწყო. ხელისუფლების განცხადებით მის მიზანს ქურთული ფორმირებების, "ისლამური სახელმწიფოს" მებრძოლთა განადგურება და საზღვრის გასწვრივ უსაფრთხოების ზონის შექმნა წარმოადგენს.
თურქეთსა და აშშ-ის შორის 17 ოქტომბერს შედგა შეთანხმება, რომლის მიხედვით ანკარამ 120 საათით საომარი მოქმედებები შეწყვეტა. შეთანხმების ვადა 22 ოქტომბრის 23 საათზე ამოიწურა.
ამასთან, აშშ-ის ვიცე-პრეზიდენტმა მაიკ პენსმა განაცხადა, რიომ ქურთთა სამხედრო ფორმირებებმა სირიაში უსაფრთხოების ზონა დატოვეს.