მაკრონი ტრამპს გამხმარი მეგობრობის ხის სანაცვლოდ ახალ ნერგს გაუგზავნის
საქართველო, თბილისი - 2019-06-13 01:21:00
საფრანგეთის პრეზიდენტი, ემანუელ მაკრონი, აშშ-ის პრეზიდენტ დონალდ ტრამპს ახალ „მეგობრობის ხეს“ გაუგზავნის. ამის შესახებ ინფორმაციას BBC ავრცელებს.
რამდენიმე დღის წინ, მაკრონისა და ტრამპის მიერ, თეთრი სახლის მიმდებარედ დარგული მუხის ხე გახმა. საფრანგეთის პრეზიდენტმა, ფრანგი და ამერიკელი ხალხის მეგობრობის აღსანიშნავად, კიდევ ერთი მუხის ხის ნერგის გაგზავნის გადაწყვეტილება მიიღო.
„მე გავგზავნი ახალ მუხის ხეს რადგან ვფიქრობ, რომ ამერიკელი და ფრანგი ხალხის მეგობრობა ჩვენთვის ძვირფასია“,- განაცხადა ემანუელ მაკრონმა.
პრეზიდენტებმა ხე ერთად დარგეს, მათ გვერდით კი პირველი ლედები იყვნენ. საფრანგეთის პრეზიდენტმა მაშინ ტვიტერზე დაწერა, რომ ეს ხე ორ ქვეყანას შორის კავშირის შეხსენება იქნებოდა.
ნერგი პარიზის ჩრდილო-აღმოსავლეთიდან, ბელოს ტყიდან ჩაიტანეს. სწორედ ამ ტყეში პირველი მსოფლიო ომის დროს, 1918 წელს გაიმართა სასტიკი ბრძოლა, რომელშიც 1 800-ზე მეტი ამერიკელი დაიღუპა.
100 years ago, American soldiers fought in France, in Belleau to defend our freedom. This oak tree (my gift to @realDonaldTrump) will be a reminder at the White House of these ties that bind us. pic.twitter.com/AUdVncaKRN
— Emmanuel Macron (@EmmanuelMacron) April 24, 2018