ცრუ განგაშის გამო 38-ე და 171-ე სკოლებში სასწავლო პროცესი ჩაიშალა
საქართველო, თბილისი - 2009-11-11 15:16:00
შენობებიდან ბავშვებისა და მასწავლებლების ევაკუაცია სწრაფად მოხერხდა, თუმცა ადგილზე მისულ სამართალდამცველებმა და ექსპერტ-კრიმინალისტთა ჯგუფმა ნაღმი ვერ აღმოაჩინეს.
წინასწარი ინფორმაციით, განგაში ცრუ იყო, რომელიც სავარაუდოდ, ერთ-ერთმა მოსწავლემ სკოლაში სასწავლო პროცესის ჩაშლის მიზნით ატეხა.
მომხდარზე გამოძიება უკვე დაიწყო. სამართალდამცველები ცრუ განგაშის ავტორის ვინაობის დადგენას ცდილობენ.
აღსანიშნავია, რომ 38-ე და 171-ე სკოლები ერთ შენობაში მდებარეობს.