თუშეთიდან ავადმყოფი სპეცრეისით გადმოიყვანეს
საქართველო, თბილისი - 2012-04-25 15:08:00
როგორც კახეთის საინფორმაციო ცენტრს ახმეტის მუნიციპალიტეტის გამგებლის მოადგილემ კახა მამულაშვილმა აცნობა, თუშეთში ვერტმფრენით ქირურგი მალხაზ ბურნაძე გადაიყვანეს. „მან ავადმყოფს ადგილზე აღმოუჩინა სასწრაფო სამედიცინო დახმარება, შეუჩერა ცხვირიდან სისხლდენა, რის შემდეგაც პაციენტი ახმეტაში გადმოიყვანეს", - აღნიშნა კახა მამულაშვილმა.
ახმეტის სამედიცინო ცენტრის ექიმების განმარტებით, ავადმყოფის მდგომარეობა ამჟამად სტაბილურია.