გამოსაშვები გამოცდების პრეტესტში მონაწილე მოსწავლეები შედეგებს ახალი სისტემით შეიტყობენ
საქართველო, თბილისი - 2012-04-24 18:33:00მონაწილეები შეიტყობენ არა მხოლოდ შეფასებას, არამედ დეტალურ ინფორმაციას იმის შესახებ, თუ როგორ და რა დროში დაძლიეს კონკრეტული საგნის ტესტის გარკვეული ნაწილები, რამდენ კითხვას უპასუხეს სწორად და რამდენს - ვერა.
ამ სისტემის შექმნა მოსწავლეებისა და აბიტურიენტების ინტერესებიდან გამომდინარე გადაწყდა - საქართველოს რეგიონებში და თბილისში ჩატარებულმა უამრავმა შეხვედრამ ცხადყო, რომ ასეთი სახის სისტემის შექმნა ეფექტური დახმარება იქნებოდა აბიტურიენტებისა და პედაგოგებისთვის.
აპრობაციები საქართველოს სხვადასხვა რეგიონის 170-მდე სკოლაში ჩატარდა. სისტემის რეალურ რეჟიმში ამოქმედება მომდევნო სასწავლო წლიდან იგეგმება.