ჩემი მოწოდებაა ეუთო/ოდირის დასკვნაში მოცემული რეკომენდაციები სრულად შესრულდეს - ეუთო-ს საპარლამენტო ასამბლეის პრეზიდენტი
საქართველო, თბილისი - 2024-12-23 17:35:00
ეუთო-ს საპარლამენტო ასამბლეის პრეზიდენტი პია კაუმა საქართველოში საპარლამენტო არჩევნებთან დაკავშირებით ეუთო-ს ანგარიშის რეკომენდაციების სრულად შესრულების მოწოდებით გამოდის.
ამის შესახებ პია კაუმამ სოციალურ ქსელ X-ში დაწერა და ეუთო-ს მიერ გასული კვირის ბოლოს გამოქვეყნებული საბოლოო ანგარიში გააზიარა.
„იხილეთ ეუთო/ოდირის საბოლოო ანგარიში საქართველოში ჩატარებულ არჩევნებთან დაკავშირებით. როგორც ეუთო-ს საპარლამენტო ასამბლეის პრეზიდენტი, მე მოვუწოდებ ამ ანგარიშში შემავალი რეკომენდაციების სრულად შესრულებისკენ“, – წერს პია კაუმა.
See below 👇 for @osce_odihr's final report on the recent #GeorgianElections. As @oscepa President I urge full implementation of the recommendations found in the report. https://t.co/V1gVTAoMOh
— Pia Kauma (@PiaKauma) December 23, 2024