ბაღდათსა და ცაგერში სასარგებლო წიაღისეულის (ქვიშა-ხრეში) მოპოვების ფაქტები გამოვლინდა
საქართველო, თბილისი - 2021-05-17 10:12:00
გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა სასარგებლო წიაღისეულის (ქვიშა-ხრეში) მოპოვების 2 ფაქტი გამოავლინეს.
ბაღდათისა და ცაგერის მუნიციპალიტეტებში, მოქალაქეებმა, ჯამში დაახლოებით 50 კუბური მეტრი ქვიშა-ხრეში სპეციალური ტექნიკით (ესკავატორით) უკანონოდ და ლიცენზიის კონტურსგარეთ მოიპოვეს. ერთ-ერთმა სამართალდამრღვევმა, უკანონოდ მოპოვებული წიაღისეულის უკანონო ტრანსპორტირებაც მოახდინა.
დასავლეთის რეგიონული სამმართველოს თანამშრომლებმა სპეციალური ტექნიკა და სატვირთო ავტომანქანა დალუქეს, სამართალდამრღვევების მიმართ კი, ადმინისტრაციული სამართალდარღვევების შესახებ ოქმები შეადგინეს.