გაეროს უშიშროების საბჭო 16 მაისს განიხილავს ისრაელსა და ღაზის სექტორზე არსებულ ვითარებას
საქართველო, თბილისი - 2021-05-14 09:26:00
გაეროს უშიშროების საბჭო 16 მაისს განიხილავს ისრაელსა და ღაზის სექტორზე არსებულ ვითარებას. ამის შესახებ გაეროში აშშ-ის მუდმივმა წარმომადგენელმა ლინდა თომას-გრინფილდმა განაცხადა.
"გაეროს უშიშროების საბჭო შეიკრიბება, რათა განიხილოს ისრაელსა და ღაზაში შექმნილი ვითარება. აშშ გააგრძელებს დიპლომატიურ ჩართულობას დაძაბულობის დეესკალაციისთვის", - წერს ელჩი გრინფილდი სოციალურ ქსელში.
The UN Security Council will meet to discuss the situation in Israel and Gaza on Sunday. The U.S. will continue to actively engage in diplomacy at the highest levels to try to de-escalate tensions.
— Ambassador Linda Thomas-Greenfield (@USAmbUN) May 13, 2021
უშიშროების საბჭოს სიტყვით მიმართავს გაეროს სპეციალური კოორდინატორი ახლო აღმოსავლეთის სამშვიდობო პროცესებში ტორ ვენესლანდი.
16 მაისს ჩანიშნული შეხვედრა რიგით მესამე იქნება, რომელსაც გაერო-ს უშიშროების საბჭო ამ საკითხზე გამართავს. ეს სხდომა წინა ორი სხდომისგან განსხვავებით ღია იქნება. მანამდე გამართულ სხდომებზე უშიშროების საბჭოს წევრები ვერ შეთანხმდნენ ერთობლივი განცხადების მიღებაზე.