შსს-მ სამეგრელოში უკანონო ცეცხლსასროლი იარაღი ამოიღო
საქართველო, თბილისი - 2015-12-12 10:42:00შსს-ს სამეგრელო-ზემო სვანეთის პოლიციის დეპარტამენტის თანამშრომლებმა, ოპერატიული ინფორმაციის საფუძველზე ჩატარებული საგამოძიებო ღონისძიების შედეგად, 1999 წელს დაბადებული ედიკა ბ. ცეცხლსასროლი იარაღის მართლსაწინააღმდეგო შეძენა-შენახვის და ტარების ბრალდებით სენაკში დააკავეს.
სამართალდამცველებმა, ბრალდებულის პირადი ჩხრეკისას, ლულაგადაჭრილი სანადირო თოფი, ე.წ. „აბრეზი“ ამოიღეს. დაკავებული ჩადენილ დანაშაულს აღიარებს.
გამოძიება ცეცხლსასროლი იარაღის მართლსაწინააღმდეგო შეძენა-შენახვის და ტარების ფაქტზე მიმდინარეობს (საქართველოს სსკ-ის 236-ე მუხლის მე-2 და მე-3 ნაწილებით).