ევროკავშირის "შავ სიას" სეპარატისტები და ჩინოვნიკები შეავსებენ
საქართველო, თბილისი - 2015-02-05 12:30:00
სია შეიძლება რამდენიმე რუსი დეპუტატით და ჩინოვნიკით შეივსოს.
ამის შესახებ რუსული საინფორმაციო სააგენტოები იუწყებიან.
მათი ცნობით, ევროკავშირის ,,შავ სიაში" მოხვედრის შანსი დაახლოებით 15 ადამიანს და 4 ორგანიზაციას აქვს.
,,ამ საკითხის განხილვა ევროკავშირის მუდმივ წარმომადგენელთა კომიტეტში კვირის დასაწყისიდან მიმდინარეობს და გადაწყვეტილება კვირის ბოლომდე უნდა მიიღონ, რათა ,,შავი სიის" დამატების გამოქვეყნება 9 თებერვალს გასამართ ევროკავშირის საგარეო საქმეთა მინისტრების სხდომამდე მოესწროს." - იტყობინება გამოცემების წყარო.
,,რადიო თავისუფლების" კორესპონდენტმა ბრიუსელში რიკარდ იოზვიაკმა სოციალურ ქსელ ,,ტვიტერის" საკუთარ გვერდზე დაწერა, რომ ,,შავ სიას" 19 ადამიანი და 9 ორგანიზაცია დაემატება.
გერმანულ საინფორმციო სააგენტო DPA-ს ცნობით, სანქციები რუს დეპუტატებს და მინისტრების მოადგილეებს შეეხებათ, რომელთაც შენგენის ვიზის აღებაზე უარის თქმა და ევროკავშირის ტერიტორიაზე საბანკო ანგარიშების გაყინვა ემუქრებათ.
ბრიუსელიდან მიღებული ინფორმაციით, ,,შავ სიაში" რუსეთის 5 მოქალაქე და 14 უკრაინელი სეპარატისტი მოხვდება.