საუდის არაბეთის მმართველი ოჯახის ერთ-ერთი პრინცი, ალვალიდ ბინ ხალედ ბინ თალალ ალ საუდი, ავტოავარიის შედეგად თითქმის 20-წლიანი კომის შემდეგ, შაბათს გარდაიცვალა. ინფორმაციას სამეფო ადმინისტრაცია ავრცელებს.
სამეფო ოჯახის წევრს, რომელიც ამდენი ხნის განმავლობაში კომაში იმყოფებოდა, საუდის არაბეთში „მძინარე პრინცს“ უწოდებდნენ.
პერიოდულად ვრცელდებოდა ჭორები, რომ ის გამოჯანმრთელდებოდა, რაც არ დადასტურდა.
35 წლის პრინცის გარდაცვალება სოციალურ მედიაში დაადასტურეს მისმა მამამ, ხალედ ბინ თალალმა, რომელიც 20 წლის განმავლობაში უარს ხელოვნური სუნთქვის აპარატის გამორთვაზე და სჯეროდა, რომ მისი შვილი კომიდან გამოვიდოდა.
ის მუდმივად აქვეყნებდა უამრავ ფოტოს სოციალურ ქსელში შვილის საავადმყოფოში მონახულების შემდეგ.
„ღვთის ნებისა და ბედისწერის მორწმუნე გულით, ღრმა მწუხარებით ვგლოვობთ ჩვენი საყვარელი შვილის გარდაცვალებას“, - წერს მამა თავის მიკრობლოგზე.
