RSS - http://www.ghn.ge ghn.ge ge-GE Copyright by www.ghn.ge 2017 support@ghn.ge RSS 2.0 generation class FAO - ღორის აფრიკული ცხელების გავრცელებაში გარეული ღორების როლი გამოიკვეთა http://www.ghn.ge/com/news/view/191558/ ევროპის მასშტაბით,  ღორის აფრიკული ცხელების გავრცელებაში გარეული ღორები მთავარ როლს თამაშობენ - აცხადებენ გაეროს სურსათისა და სოფლის მეურნეობის ორგანიზაციის (FAO) ექსპერტები. ღორის აფრიკული ცხელება შინაური და გარეული ღორების ჰემორაგიული ხასიათის ვირუსული დაავადებაა, რომელიც ინფიცირებულ ცხოველებში 100%-მდე სიკვდილიანობას იწვევს. მართალია, დაავადება   ადამიანის ჯანმრთელობისათვის პირდაპირ რისკებს არ შეიცავს, თუმცა უზარმაზარი ნეგატიური ეფექტი შეიძლება ჰქონდეს სოციალურ-ეკონომიკურ, სავაჭრო  და სურსათის უვნებლობის კონტექსტში. აფრიკიდან საქართველოში შემოსვლის შემდეგ (2007 წელს), ვირუსი გავრცელდა კავკასიაში და აღმოსავლეთ ევროპაში, კერძოდ სომხეთში, რუსეთში, უკრაინაში, ბელარუსში, ლიტვაში, პოლონეთში, ლატვიაში, ესტონეთში, მოლდოვაში, ასევე ახლახანს, ჩეხეთში და რუმინეთშიც. მიუხედავად იმისა, რომ საქართველოში, უკანასკნელ წლებში, ოფიციალური მონაცემებით, ღორის აფრიკული ცხელება აღარ დაფიქსირებულა, ნებისმიერი ქვეყანა, სადაც არსებობს მეღორეობის დარგი და გარეული ღორის პოპულაცია, კვლავ ამ საშიში დაავადების გავრცელების რისკის ქვეშ იმყოფება. ღორის ნებისმიერი სახეობა ინფექციისაგან დაუცველია, თუმცა დაავადება კლინიკურად ვლინდება მხოლოდ  შინაურ და გაველურებულ ცხოველებში, ისევე როგორც მათ ახლო-მონათესავე სახეობაში  -    გარეულ ღორებში. დღეისათვის ღორის აფრიკული ცხელების საწინაამღდეგო ვაქცინა  არ არსებობს. "ჯერჯერობით სრულად ნათელი არ არის, თუ როგორ ხდება  დაავადების გადაცემა გარეული ღორებისგან", - ამბობს FAO- ს ცხოველთა ჯანმრთელობის ოფიცერი დანიელ ბელტრან-ალკრუდო, "მაგრამ, როგორც ჩანს, ამას დიდწილად განსაზღვრავს მათი (გარეული ღორების) პოპულაციის სიმჭიდროვე და ურთიერთქმედება დაბალი ბიოუსაფრთხოების მქონე  მეღორეობის დარგთან." როგორც წესი, ვეტერინარული სამსახურები არ არიან კარგად მომზადებულები  და არ გააჩნიათ საჭირო  გამოცდილება გარეულ  ცხოველებთან მუშაობისათვის.  ბელტრანს-ალკრუდო ამბობს, რომ ასეთ პირობებში დაავადების ეფექტიანი კონტროლისათვის განსაკუთრებით მნიშვნელოვანია ურთიერთგაგების და კოორდინაციის  ჩამოყალიბება  ვეტერინარულ სამსახურებს,  სატყეო მეურნეობების მმართველ ორგანოებსა და  ასევე  მონადირეებს შორის. FAO-ს ორდღიანი სემინარი კაუნასში (ლიტვა) ღორის აფრიკული ცხელების მართვას გარეულ ღორებში, შინაურ და გარეულ ღორებს შორის დაავადების გადაცემაზე დაკვირვებას და პრევენციას მიეძღვნა. სემინარის  მონაწილეები გაეცნენ და განიხილეს  გარეული ღორებისათვის რელევანტური ჯანმრთელობის მართვის სხვადასხვა მეთოდი. მონაწილეებმა ასევე მიიღებეს ნადირობის, ბიოუსაფრთხოების, სტატისტიკური შერჩევის  და ცხოველთა გვამების განკარგვის   საველე გამოცდილება. სემინარი  ხელს შეუწყობს სტრატეგიის შემუშავებას, რათა მოხდეს აფრიკული ცხელების შეღწევის პრევენცია  ვირუსისგან თავისუფალ ქვეყნებში და უკვე დაზარალებულ ქვეყნებში განხორციელდეს გარეულ ღორებში ამ  დაავადების უფრო ეფექტიანი კონტროლი. შესაბამისი ტრენინგი კარგი დამატებაა ვირუსის  გამოვლენისა და დიაგნოზის ახლახანს გამოცემული სახელმძღვანელოსათვის, რომელიც ხელმისაწვდომია ინგლისურ და რუსულ ენებზე და   სემინარის ყველა მონაწილეს გადაეცა. გარეული ან გაველურებული ღორის პოპულაციებში ღორის აფრიკული  ცხელების   გავრცელების შემდეგ დაავადების ეფექტიანი კონტროლი მეტად რთული ამოცანა ხდება. სტრატეგია გულისხმობს გარეულ/გაველურებულ და შინაურ ცხოველებს შორის კონტაქტების მინიმიზაციას. აუცილებელია ცხოველის სადგომების შეღობვა, სადგომების გარეთ შინაური და გაველურებული ღორების რაოდენობის მაქსიმალურად შეზღუდვა, სამზარეულოს და სასაკლაოს ნარჩენების სათანადო განკარგვა.     support@ghn.ge http://www.ghn.ge/img/uploads/news/prev/http://ghn.ge/img/uploads/files/news/2017-11/1511520373.jpg ghn.ge ირაკლი კობახიძე: ჩვენი ამოცანაა, რომ ჩამოვაყალიბოთ მაქსიმალურად დემოკრატიული სისტემა http://www.ghn.ge/com/news/view/191557/ „ჩვენი ამოცანაა, რომ ჩამოვაყალიბოთ მაქსიმალურად დემოკრატიული სისტემა“,- ამის შესახებ საქართველოს პარლამენტის თავმჯდომარემ საკონსტიტუციო ცვლილებების საყოველთაო-სახალხო განხილვაზე განაცხადა, რომელიც დღეს, პარლამენტის თბილისის სასახლეში გაიმართა. ირაკლი კობახიძის განცხადებით, კონსტიტუცია ქვეყნის ძირითადი კანონია, რომელიც მმართველობის სისტემის სამართლებრივ ფუნდამენტს ქმნის და შესაბამისად, მასთან დაკავშირებით ფართო დისკუსიის წარმართვა განსაკუთრებულად მნიშვნელოვანია. აქვე, პარლამენტის თავმჯდომარემ აღნიშნა, რომ პროცესის პოლიტიზირების გამო, საკონსტიტუციო რეფორმასთან დაკავშირებით აკადემიური განხილვების მოწყობის შესაძლებლობა არ იყო. „სამწუხაროდ, პროცესი, რომელიც დაკავშირებული იყო საკონსტიტუციო რეფორმასთან, იყო ძალიან პოლიტიზირებული, მე ვიტყოდი, ზედმეტად პოლიტიზირებული და აქედან გამომდინარე, სამწუხაროდ, რა დარჩა სივრცე იმისთვის, რომ ჩვენ აკადემიური ტიპის განხილვები მოგვეწყო კონსტიტუციასთან და საკონსტიტუციო რეფორმასთან დაკავშირებით. დღეს გვაქვს ჩვენ უკვე ამის საშუალება, დღეს გვაქვს იმის საშუალება, რომ ერთიანად მიმოვიხილოთ ის საკონსტიტუციო რეფორმა, ფუნდამენტური საკონსტიტუციო რეფორმა, რომელიც განხორციელდა საქართველოში“,- მიმართა ირაკლი კობახიძემ დამსწრეებს. სახელმწიფო საკონსტიტუციო კომისიის ხელმძღვანელმა საკონსტიტუციო ცვლილებების ძირითად პრინციპებზე ისაუბრა. მისი თქმით, პარლამენტმა კომისიას ორი ძირითადი მიზანი დაუსახა. „ერთი - ეს იყო კონსტიტუციის სრული შესაბამისობის უზრუნველყოფა სამართლებრივ პრინციპებთან და აქ უნდა ითქვას, რომ ჯერ კიდევ მოქმედი კონსტიტუცია, არ შეესაბამება სამართლის ელემენტარულ პრინციპებს, მათ შორის, ხელისუფლების დანაწილების პრინციპს, რაც იყო  მკაფიოდ აღნიშნული ვენეციის კომისიის დასკვნაში 2010 წელს. შესაბამისად, ჩვენი ერთ-ერთი უმთავრესი ამოცანა იყო სამართლებრივი შესაბამისობის უზრუნველყოფა. მეორე ამოცანა - ახალი რედაქციით, უნდა ჩამოყალიბებულიყო დახვეწილი და გამართული საპარლამენტო მმართველობის სისტემა. დღესაც მოქმედებს საქართველოში საპარლამენტო მმართველობის სისტემა, სადაც მთავრობა არის ერთადერთი აღმასრულებელი ორგანო, თუმცა, სისტემა არის დაუხვეწავი და ერთ-ერთი უმთავრესი ამოცანა ამ რეფორმის იყო სწორედ დახვეწილი საპარლამენტო მმართველობის სისტემის ჩამოყალიბება და ისეთი სისტემის ჩამოყალიბება, რომელიც გრძელვადიან პერსპექტივაში აგვარიდებს ჩვენ ავტოკრატიის ნებისმიერ ფორმას“,- განაცხადა ირაკლი კობახიძემ. პარლამენტის თავმჯდომარემ აღნიშნა, რომ კონსტიტუციის წინა რედაქციებთან დაკავშირებით, საქართველოს ნეგატიური გამოცდილება ჰქონდა. „დღემდე, საქართველოში მოქმედებდა სამი სხვადასხვა რედაქცია კონსტიტუციისა და ამ რედაქციების პირობებში, საქართველოში ჩამოყალიბდა ნახევრად ავტორიტარული თუ ავტორიტარული რეჟიმები, რამაც ჩვენი ქვეყნისთვის არცთუ დადებითი შედეგები გამოიღო, შესაბამისად, ჩვენი ამოცანაა, რომ ჩამოვაყალიბოთ მაქსიმალურად დემოკრატიული სისტემა, ისეთი სისტემა, რომელიც ავტოკრატიას და ავტორიტარიზმს აგვაცილებს თავიდან გრძელვადიან პერსპექტივაში“,- განაცხადა ირაკლი კობახიძემ. პარლამენტის თავმჯდომარემ ყურადღება გაამახვილა იმ მესამე ამოცანაზეც, რომელიც სახელმწიფო საკონსტიტუციო კომისიამ დაისახა - კონსტიტუციის გამართვა იურიდიული ტექნიკის პრინციპების შესაბამისად. „ დღევანდელი კონსტიტუცია არის აბსოლუტურად გაუმართავი იურიდიული ტექნიკის კუთხით.  სტრუქტურა, სისტემა, არის აბსოლუტურად მოუწესრიგებელი. ჩვენ გვინდოდა, თავიდან, ფორმალურად მაინც დაგვესათაურებინა კონსტიტუციის მუხლები და ეს იყო შეუძლებელი, იმდენად გაუმართავი იყო კონსტიტუციის სტრუქტურა და დღეს უკვე ნახავთ, რომ თითოეული მუხლი ახალ რედაქციაში არის დასათაურებული, რაც არის იმის მიმანიშნებელი, რომ დოკუმენტს აქვს გამართული და სწორად ჩამოყალიბებული სტრუქტურა“,- განმარტა ირაკლი კობახიძემ. სახელმწიფო საკონსტიტუციო კომისიის ხელმძღვანელმა განაცხადა, რომ საქართველოს კონსტიტუციის ახალი რედაქცია აქტიური და ფართო ჩართულობითი პროცესის შედეგად შემუშავდა.  აქვე, ირაკლი კობახიძემ აღნიშნა, რომ საკონსტიტუციო ცვლილებების დაახლოებით 80 % ექსპერტების, არასამთავრობო ორგანოებისა და კონსტიტუციური ორგანოების ინიციატივებს ეფუძნება. „სახელმწიფო საკონსტიტუციო კომისიაში წარმოდგენილი იყო 73 წევრი -ესენი იყვნენ პოლიტიკური პარტიების წარმომადგენლები -  წარმოდგენილნი იყვნენ როგორც საპარლამენტო, ასევე, არა საპარლამენტო პოლიტიკური პარტიები, ასევე, კონსტიტუციური ორგანოების ხელმძღვანელი მაღალი თანამდებობის პირები, ექსპერტები, არასამთავრობო სექტორის წარმომადგენლები. უზრუნველყოფილი იყო ძალიან აქტიური სამუშაო პროცესი სახელმწიფო საკონსტიტუციო კომისიაში და ამის საფუძველზე ჩამოყალიბდა კონსტიტუციის ახალი რედაქცია.  სახელმწიფო საკონსტიტუციო კომისია ყოველდღიურ რეჟიმში მუშაობდა, და ამან მოგვცა ჩვენ სწორედ კონსტიტუციის დახვეწის შესაძლებლობა“,- განაცხადა საქართველოს პარლამენტის თავმჯდომარემ. ირაკლი კობახიძემ საქართველოს კონსტიტუციის ახალი რედაქცია მუხლობრივად მიმოიხილა და დამსწრეებს ცვლილებების ძირითადი არსი და შინაარსი გააცნო. ვენეციის კომისიის რეკომენდაციების თანახმად, მმართველმა გუნდმა კონსტიტუციური კანონპროექტი მოამზადა, რომელიც საარჩევნო ბლოკების ერთჯერადად, 2020 წლის საპარლამენტო არჩევნებისთვის დაშვებას, ე.წ. ბონუსის სისტემის გაუქმებას, საკონსტიტუციო სასამართლოს და რწმენის თავისუფლების საკითხს ეხება. საკონსტიტუციო ცვლილებების საყოველთაო-სახალხო განხილვას აღმოსავლეთ საქართველოდან მოწვეული აკადემიური წრეების წარმომადგენლები დაესწრნენ. support@ghn.ge http://www.ghn.ge/img/uploads/news/prev/http://ghn.ge/img/uploads/files/news/2017-11/1511520026.jpg ghn.ge აჭარის მთავრობა ენმ-ს პრემია-დანამატებთან დაკავშირებით პასუხობს http://www.ghn.ge/com/news/view/191556/ აჭარის მთავრობა ენმ-ს პრემია-დანამატებთან დაკავშირებით პასუხობს და სპეციალურ განცხადებას ავრცელებს. „ძალიან სამწუხაროა, რომ ნაციონალური მოძრაობა კვლავ ახდენს ციფრებით მანიპულირებას და საზოგადოების შეცდომაში შეყვანას. მათ მიერ მიმდინარე წელს უკვე რამდენჯერმე გაკეთდა განცხადება აღნიშნულ თემაზე, მაშინ როცა მოცემულობა არ შეცვლილა. აჭარის ა.რ მთავრობის უწყებებში გასულ წელთან შედარებით  შემცირებულია ადმინისტრაციული ხარჯები.  რაც შეეხება სახელფასო ფონდს, პრემიები არ მიუღიათ აჭარის ა.რ მთავრობის თავმჯდომარეს და მინისტრებს, ასევე მინისტრის მოადგილეებს და დეპარტამენტების უფროსებს. ზურაბ პატარაძეს არა მხოლოდ ბოლო 5 თვის მანძილზე, მას შემდეგ რაც აჭარის მთავრობის თავმჯდომარის უფლებამოსილებას შეუდგა, არც ერთხელ უსარგებლია პრემიით. დანამატების გაცემა სამართლებრივად, წინასწარ არის გაწერილი და დადგენილი ყველა რანგის საჯარო მოსამსახურისთვის და ის შრომის ანაზღაურების შემადგენელი ნაწილია. იგი გაიცემა საჯარო სამსახურებში არსებული დაბალი სახელფასო ანაზღაურების გამო და პროფესიონალი კადრების შენარჩუნების  მიზნით. საკითხი 2018 წლიდან დარეგულირდება, როდესაც ძალაში შევა საქართველოს კანონის პროექტი „საჯარო დაწესებულებაში შრომის ანაზღაურების შესახებ“ რომელიც  საჯარო სექტორში შრომის ანაზღაურების წესს და პირობებს განსაზღვრავს», აღნიშნულია აჭარის მთავრობის განცხადებაში. support@ghn.ge http://www.ghn.ge/img/uploads/news/prev/http://ghn.ge/img/uploads/files/news/2017-11/1511519980.jpg ghn.ge აჭარა ვარშავის საერთაშორისო ტურისტულ გამოფენაზეა წარდგენილი http://www.ghn.ge/com/news/view/191555/ აჭარის ტურიზმის დეპარტამენტი ვარშავის საერთაშორისო ტურისტულ გამოფენაში „TT WARSAV” მონაწილეობს. საქართველოს, კერძოდ კი აჭარის ტურისტულ პროდუქტებს დეპარტამენტის წარმომადგენლები პოლონეთში ტურიზმის ეროვნულ ადმინისტრაციასა და ტურისტულ სააგენტოებთან ერთად უწევს პოპულარიზაციას. ვარშავის ტურისტული გამოფენა ერთი-ერთი მასშტაბური გამოფენაა მსოფლიოში, სადაც ყოველწლიურად საშუალოდ 40-მდე ქვეყნის 1200-ზე მეტი ტურისტული კომპანია და ტურიზმის ბიზნესში მოქმედი ორგანიზაცია მონაწილეობს. წელს, ვარშავის გამოფენა პოზნანისა და კატოვიცეს გამოფენების შემდეგ მესამე ტურისტული გამოფენაა პოლონეთში, სადაც  აჭარის ტურისტული პოტენციალია წარდგენილი. აჭარის ტურიზმის დეპარტამენტმა პოლონეთში აჭარის პოპულარიზაციას გამოფენებში მონაწილეობის გარდა  სხვადასხვა ღონისძიებებით გაუწია რეკლამირება, რაც  გარე რეკლამას,  ინფო-პრესტურებსა და აქტიურ ინტერნეტრეკლამას ითვალისწინებდა. 2017 წელს, დეპარტამენტმა რეგიონი ჯამში 24 საერთაშორისო ტურისტულ გამოფენაზე წარადგინა. მათ შორის ფრანქფურტის, ლონდონის, ბერლინის, ტოკიოს, ტალინის, თელავივის, ვილნიუსის, მინსკის, ბაქოს, კიევის, სტამბოლის, ალმათისა და რიგის ტურისტული გამოფენები. შემდეგ კვირაში, დეპარტამენტი რეგიონს უკვე ბარსელონას საერთაშორისო ტურისტულ გამოფენაზე გაუწევს პოპულარიზაციას, რითიც გამოფენებში მონაწილეობა მიმდინარე წლისთვის დასრულდება.         support@ghn.ge http://www.ghn.ge/img/uploads/news/prev/http://ghn.ge/img/uploads/files/news/2017-11/1511519922.jpg ghn.ge სურსათის ეროვნულმა სააგენტომ ლიმონათის 4 მწარმოებელს საწარმოო პროცესი შეუჩერა http://www.ghn.ge/com/news/view/191554/ სურსათის ეროვნული სააგენტოს თბილისის საქალაქო სამსახურის სპეციალისტები უალკოჰოლო სასმელების საწარმოებში ინსპექტირებას ატარებენ. მოწმდება საწარმოს სანიტარიულ-ჰიგიენური პირობები, საწარმოო პროცესი, არომატიზატორების ვარგისიანობა, შესაფუთი მასალა და ტარა, ასევე პერსონალის ჰიგიენა.  სახელმწიფო კონტროლი ხორციელდება როგორც მცირე, ,აგრეთვე მსხვილ წარმოებებში. საწარმოების ნაწილი დადგენილ სტანდარტებს აკმაყოფილებს, თუმცა, შემოწმების პროცესში გამოვლინდა სანიტარიულ-ჰიგიენური ნორმების დარღვევის ფაქტები და სხვა კრიტიკული შეუსაბამობები, რის გამოც თბილისში მოქმედ მცირე წარმოებებს -  შპს “ვივოს“  და  შპს „ტექნოპლასტი 2010“ -ს   შეუჩერდა  საწარმოო პროცესი. მიმდინარე წელს სურსათის ეროვნულმა სააგენტომ მთელი ქვეყნის მასშტაბით,  უალკოჰოლო სასმელების საწარმოებში 37 ინსპექტირება განახორციელა. ეტიკეტირების წესის დარღვევის და არაკრიტიკული შეუსაბამობების   გამო  დაჯარიმდა 9 ბიზნესოპერატორი, მათ შორის,   კრიტიკული შეუსაბამობების გამო  საწარმოო პროცესი შეუჩერდა და დაჯარიმდა  4  ბიზნესოპერატორი - შპს VIVA (თბილისი), შპს „ბარა-ბუ“ (რუსთავი), ი/მ კობა მირველაშვილი (გურჯაანის რაიონი), შპს „ტექნოპლასტი 2010“ (თბილისი). სააგენტო განაგრძობს უალკოჰოლო სასმელების მწარმოებლების შემოწმებას. support@ghn.ge http://www.ghn.ge/img/uploads/news/prev/http://ghn.ge/img/uploads/files/news/2017-11/1511519495.jpg ghn.ge პროკურატურა ტერორიზმის ბრალდებით დაკავებულისთვის პატიმრობის შეფარდებას ითხოვს http://www.ghn.ge/com/news/view/191553/ საქართველოს პროკურატურა განცხადებას ავრცელებს, რომლის მიხედვითაც, აღნიშნული უწყება ტერორიზმის ბრალდებით დაკავებულისთვის პატიმრობის შეფარდებას ითხოვს. „საქართველოს მთავარმა პროკურატურამ უცხო ქვეყნის ტერორისტულ ორგანიზაციაში გაერთიანებისა და ტერორისტულ საქმიანობაში მისი დახმარების, ასევე ცეცხლსასროლი იარაღის, საბრძოლო მასალის, ფეთქებადი ნივთიერებისა და ასაფეთქებელი მოწყობილობის ტერორისტული მიზნით მართლსაწინააღმდეგო შეძენა, შენახვა, ტარებისთვის ს.დ.-ს ბრალი წარუდგინა საქართველოს სისხლის სამართლის კოდექსის 3231-ე მუხლის პირველი ნაწილითა და 328-ე მუხლით. გამოძიებით დადგინდა, რომ ს.დ. სამ თანამზრახველთან ერთად ქ.თბილისში ბერი გაბრიელ სალოსის ქუჩაზე მდებარე ერთ-ერთ საცხოვრებელ ბინაში დაბინავდა, სადაც ის და მისი თანამზრახველები მართლსაწინააღმდეგოდ, ტერორისტული მიზნით შეძენილ დიდი რაოდენობით ფეთქებად ნივთიერებებს, საბრძოლო მასალას, ასაფეთქებელ მოწყობილობებს და ცეცხლსასროლ იარაღს ინახავდნენ. სამართალდამცველებმა ოპერატიული ინფორმაციის საფუძველზე ს.დ. ქ.თბილისში, 2017 წლის 21 ნოემბერს დააკავეს. დაკავებისას მას მართლსაწინააღმდეგოდ შეძენილი ცეცხლსასროლი იარაღი და საბრძოლო ვაზნები აღმოაჩნდა.  ს.დ.-ს დაკავების შემდგომ, ქ.თბილისში ბერი გაბრიელ სალოსის ქუჩაზე მდებარე ერთ-ერთ საცხოვრებელ ბინაში მყოფმა სამმა ტერორისტმა უარი განაცხადა სამართალდამცველთა მოთხოვნაზე - ბინის კარის გახსნასა და იარაღის ჩაბარებაზე. მათ ააფეთქეს ხელყუმბარები და ცეცხლსასროლი იარაღებიდან სამართალდამცველების მიმართ გახსნეს ინტენსიური ცეცხლი, რა დროსაც ჯანმრთელობის სხვადასხვა ხარისხის დაზიანება მიიღო საქართველოს შინაგან საქმეთა სამინისტროს და სახელმწიფო უსაფრთხოების სამსახურის სპეციალური დანიშნულების რაზმის ხუთმა წევრმა, ხოლო ერთი მათგანი მიღებული დაზიანების შედეგად გარდაიცვალა.  ს.დ.-ს წარედგინა ბრალდება საქართველოს სისხლის სამართლის კოდექსის 3231-ე მუხლის პირველი ნაწილით (ცეცხლსასროლი იარაღის, საბრძოლო მასალის, ფეთქებადი ნივთიერებისა და ასაფეთქებელი მოწყობილობის მართლსაწინააღმდეგო შეძენა, შენახვა, ტარება, ტერორისტული მიზნით) და 328-ე მუხლით (უცხო ქვეყნის ტერორისტულ ორგანიზაციაში გაერთიანება და ტერორისტულ საქმიანობაში მისი დახმარება), რაც სასჯელის სახედ და ზომად 10-დან 17 წლამდე ვადით თავისუფლების აღკვეთას ითვალისწინებს. საქმეზე საქართველოს სახელმწიფო უსაფრთხოების სამსახურში გრძელდება გამოძიება საქართველოს სისხლის სამართლის კოდექსის 323-ე მუხლის მესამე ნაწილით, 3231-ე მუხლის პირველი ნაწილით და 328-ე მუხლით”, - ნათქვამია განცხადებაში. support@ghn.ge http://www.ghn.ge/img/uploads/news/prev/http://ghn.ge/img/uploads/files/news/2017-11/1511518777.jpg ghn.ge აქციზისაგან გათავისუფლდება ფარმაცევტული პროდუქციის საწარმოებლად გამოყენებული საქონელი http://www.ghn.ge/com/news/view/191552/ საგადასახადო კოდექსში მომზადებული ცვლილებებით, ევროკავშირის წევრ სახელმწიფოში რეგისტრირებულ დღგ-ის გადამხდელებს, რომლებიც საქართველოში არ ახორციელებენ ეკონომიკურ საქმიანობას და არ აქვთ მუდმივი დაწესებულება დადგენილი წესით დაუბრუნდებათ საქართველოში დღგ-ის გადამხდელისაგან საქონლის/მომსახურების შეძენისას გადახდილი დღგ-ის თანხა. ცვლილება ხელს შეუწყობს საქართველოსა და ევროკავშირის ქვეყნებში დაფუძნებულ ბიზნესებს შორის საქმიანი ურთიერთობების გაღრმავებას; იმიჯნება აქციზით დაბეგვრის ობიექტი სპირტიან სასმელებზე. კერძოდ, ეთილის სპირტად ჩაითვლება ყველა  სასმელი, რომელშიც ალკოჰოლის შემცველობა აღემატება 22%-ს;    აქციზისაგან გათავისუფლდება ფარმაცევტული პროდუქციის საწარმოებლად გამოყენებული საქონელი; იცვლება მგზავრთა მიერ საქართველოს ტერიტორიაზე შემოსვლისას პირადი ბარგით შემოტანილი აქციზური საქონელის დამატებული ღირებულების გადასახადის, იმპორტის გადასახადის და აქციზისაგან გათავისუფლების რაოდენობრივი ლიმიტები და იგი შესაბამისობაში მოდის ევროკავშირში დადგენილ ლიმიტებთან. აღსანიშნავია, რომ იმპორტი უნდა ხორციელდებოდეს პირადი მოხმარების მიზნით და არ უნდა ჰქონდეს სამეწარმეო ხასიათი. support@ghn.ge http://www.ghn.ge/img/uploads/news/prev/http://ghn.ge/img/uploads/files/news/2017-11/1511518419.jpg ghn.ge სპეცოპერაციისას დაკავებული ბრალდებული ტერორისტულ ორგანიზაციაში იყო გაწევრიანებული - პროკურორი http://www.ghn.ge/com/news/view/191551/ „გამოძიებას აქვს დასაბუთებული ვარაუდი, რომ სპეცოპერაციისას დაკავებული ბრალდებული ტერორისტულ ორგანიზაციაში იყო გაწევრიანებული. ბრალდებულს ბრალად ედება, რომ მან ტერორისტული მიზნით შეიძინა, ინახავდა და ატარებდა ცეცხლსასროლ იარაღს, საბრძოლო მასალასა და ფეთქებად ნივთიერებებს. ამ ეტაპზე ჩვენ მოცემულ საქმეზე გვაქვს ყველა საფუძველი იმისა, რომ ბრალდებულს შეეფარდოს პატიმრობა“, - განაცხადა ტერორიზმის ბრალდების საქმის პროკურორმა ირაკლი მარშანიამ. როგორც მარშანიამ აღნიშნა, სპეოპერაციისას ლიკვიდირებული პირების ცხედრების იდენტიფიცირება ჯერ არ მომხდარა და შესაბამისად, მათი ვინაობა გამოძიებისთვის უცნობია.  ”მოცემულ ეტაპზე ტარდება შესაბამისი საგამოძიებო მოქმედებები. ტარდება ექსპერტიზები. ამ ეტაპზე გარდაცვლილი პირების ვინაობა იდენტიფიცირებული არ არის”, - აცხადებს მარშანია. ამ წუთებში თბილისის საქალაქო სასამართლოში ბერი გაბრიელ სალოსის ქუჩაზე სპეცოპერაციისას დაკავებული პირის სასაამრთლო პროცესი მიმდინარეობს. როგორც დაკავებულის უფლებადამცველი აცხადებს, ის დუმილის უფლებას ინარჩუნებს და ბრალს არ აღიარებს. ტერორიზმში ბრალდებული რუსეთის მოაქალაქეა.   support@ghn.ge http://www.ghn.ge/img/uploads/news/prev/http://ghn.ge/img/uploads/files/news/2017-11/1511518216.jpg ghn.ge ყირგიზეთში პრეზიდენტის ინაუგურაცია გაიმართა http://www.ghn.ge/com/news/view/191550/ ყირგიზეთის მეხუთე პრეზიდენტი უფლებამოსილების შესრულებას შეუდგა. სოორონბაი ჟეენბეკოვმა დღეს საზეიმო ფიცი დადო. ინაუგურაციაზე ახალმა პრეზიდენტმა წინამორბედის დამსახურებებზე ისაუბრა. ჟეენბეკოვმა განაცხადა, რომ ალმაზბეკ ატამბაევს უახლოეს ხანებში ეროვნულ გმირად გამოაცხადებს. 15 ოქტომბრის საპრეზიდენტო არჩევნებში გამარჯვების შემდეგ   სოორონბაი ჟეენბეკოვი პრეზიდენტის პოსტს 6 წლის ვადით დაიკავებს. support@ghn.ge http://www.ghn.ge/img/uploads/news/prev/http://ghn.ge/img/uploads/files/news/2017-11/1511518204.jpg ghn.ge საუდის არაბეთის ტახტის მემკვიდრემ ირანის უმაღლეს ლიდერს "ახალი ჰიტლერი" უწოდა http://www.ghn.ge/com/news/view/191549/ საუდის არაბეთის ტახტის მემკვიდრეს ირანის უმაღლესი ლიდერი შემოელანძღა. პრინცმა მუჰამედ ბენ სალმან ალ საუდმა აიათოლა ალი ჰამენეის „ახლო აღმოსავლეთის ახალი ჰიტლერი“ უწოდა. მანამდე საუდელმა პრინცმა ირანი იემენელ ამბოხებულთა შეიარაღებასა და რადიკალთა მხარდაჭერაში დაადანაშაულა, რასაც თეირანის მხრიდან მწვავე რეაქცია მოჰყვა. ირანმა საუდის არაბეთს აგრესიასა და პროვოკაციების მოწყობაში დასდო ბრალი. support@ghn.ge http://www.ghn.ge/img/uploads/news/prev/http://ghn.ge/img/uploads/files/news/2017-11/1511516887.jpg ghn.ge