აღმოსავლეთ საქართველოში ენერგო-პრო ჯორჯიას 15 000 აბონენტის ენერგომომარაგება აღდგენილია. ამ დროისთვის გამართულად მუშაობს მაღალი ძაბვის ქსელი, თუმცა გუშინ ამოვარდნილი ძლიერი ქარის შედეგად დაზიანდა დაბალი ძაბვის ქსელი; ქარმა წააქცია ელექტრო ბოძები და გაწყვიტა ელექტროენერგიის გადამცემი ხაზები, რამაც გამოიწვია აბონენტებისთვის ელექტროენერგიის გათიშვვა.
როგორც "ჯი-ეიჩ-ენს" ენერგო-პრო ჯორჯიადან აცნობეს, ამ დროისთვის გათიშულია კომპანიის დაახლოებით 124 000 აბონენტი აღმოსავლეთ საქართველოში.
გუშინ და დღეს ენერგო-პრო ჯორჯიას ტექნიკური ბრიგადები განაგრძობენ მუშაობას დაზიანების ადგილებში, იმისათვის რომ აღმოფხვრან უამინდობით მიყენებული ზიანი და აღადგინონ ქსელის გამართული მუშაობა. იმ შემთხვევაში თუ ამინდი არ გაუარესდა, გათიშული აბონენტების ენერგომომარაგების ეტაპობრივი აღდგენა მოხერხდება დღის ბოლომდე.