". დღეს ბრიუსელში ხელი მოეწერა ევროკავშირის ინიციატივის ~პარტნიორობა მობილურობისათვის~ ერთობლივ დეკლარაციას, რაც საქართველოს ევროკავშირთან დაახლოების გზაზე კიდე ერთი მნიშვნელოვანი ნაბიჯია. ევროკავშირთან "პარტნიორობა მობილურობისათვის" ფარგლებში თანამშრომლობა საქართველოს მოქალაქეებისათვის ევროკავშირის ქვეყნებთან უვიზო მიმოსვლის ერთ-ერთი წინაპირობაა. საქართველოს მხრიდან დეკლარაციას ხელი მოაწერა ვიცე პრემიერ-მინისტრმა გიორგი ბარამიძემ, ევროპული მხრიდან კი -ევროკავშირის ამჟამინდელი თავმჯდომარე ქვეყნის, შვედეთის მიგრაციისა და თავშესაფრის პოლიტიკის მინისტრმა, ევროკომისიის ვიცე-პრეზიდენტმა და ევროკავშირის იმ 16 წევრი ქვეყნის მინისტრებმა, რომლებიც ჩართულნი არიან საქართველოსთან ~პარტნიორობა მობილურობისათვის~ ინიციატივაში.
ვიზიტის ფარგლებში დაგეგმილია შეხვედრა ევროკომისიის საგარეო ურთიერთობათა ევროკომისართან ფერერო-ვალდნერთან. შეხვედრაზე ვიცე პრემიერ-მინისტრი ყურადღებას იმ საკითხებზე გაამხვილებს, რაც ჩვენი ქვეყნის უსაფრთხოებას, სტაბილურობასა და განვითარებას უკავშირდება, კერძოდ, რუსეთ-საქართველოს კონფლიქტზე, რუსეთის მიერ საქართველოს ოკუპირებული ტერიტორიის დეოკუპაციაზე, ამ ტერიტორიაზე რუსეთის მიერ განხორციელებულ ეთნიკურ წმენდასა და რუსეთის მხრიდან მუდმივ პროვოკაციებზე. ვიცე პრემიერ-მინისტრი ხაზს გაუსვამს ოკუპანტების მიერ საქარტველოს მოქალაქეების, განსაკუთრებით მოზარდების, გატაცების ფაქტებს და ევროკომისიის მაღალი თანამდებობის პირებს კიდევ ერთხელ მოსთხოვს ტირძნისიდან გატაცებული ქართველი მოსწავლეების განთავისუფლებაში აქტიურ და ქმედით მოქმედებებს.
შეხვედრაზე ასევე განიხილება საქართველოს ევროინტეგრაციის პროცესი და ქვეყანაში მიმდინარე რეფორმები.