მოძრაობა "სამართლიანი საქართველოს" ლიდერი ზურაბ ნოღაიდელი ახლო მომავალში მოსკოვში მის მესამე ვიზიტს არ გამორიცხავს.
როგორც დღეს გამართულ პრესკონფერენციაზე ნოღაიდელმა განაცხადა, ვიზიტი იმ შემთხვევაში შედგება, თუ მოსკოვში გამართული მოლაპარაკებებისას განხილული საკითხების ირგვლივ კომპრომისული გადაწყვეტილებების მიღების ალბათობა იქნება.
"შეიძლება ახლო მომავალში კიდევ ერთხელ მომიხდეს მოსკოვში ჩასვლა. ეს მაშინ მოხდება, როდესაც უკვე განხილული საკითხების ირგვლივ მისაღებ გადაწყვეტილებებთან ახლოს ვიქნებით", _ აცხადებს ზურაბ ნოღაიდელი.
ნოღაიდელი რუსეთის საგარეო საქმეთა მინისტრის მოადგილე გრიგორი კარასინთან, სავაჭრო-სამრეწველო პალატის პრეზიდენტ ევგენი პრიმაკოვთან, სახელმწიფო სათათბიროს ფრაქციების, "ედინაია როსიისა" და "სპრავედლივაია როსიის" წევრებთან გამართული მოლაპარაკებებით კმაყოფილია.
