ბრიუსელში პარაფირებულ იქნა საქართველო-ევროკავშირს შორის ვიზების გამარტივებისა და რეადმისიის შესახებ შეთანხმებები. ქართული მხრიდან ხელშეკრეულბათა პარაფირება მოახდინა საგარეო საქმეთა მინისტრის მოადგილემ დავით ჯალაღანიამ, ხოლო ევროპული მხრიდან - ევროკომისიის საგარეო ურთიერთობათა გენერალური დირექტორის მოადგილემ ჟან ლუი დე ბროუერმა.
"გამარტივებული სავიზო რეჟიმი საქართველოს ყველა მოქალაქეს ევროკავშირის წევრ ქვეყნებში გაცილებით თავისუფალი მოგზაურობის საშუალებას მისცემს", - განმარტავს საგარეო საქმეთა მინისტრი გრიგოლ ვაშაძე.
შეგახსენებთ, რომ გამარტივებული პროცედურებით ევროპის ქვეყნებში სამოგზაუროთ ვიზების აღება ბიზნესმენებს, სტუდენტებს, კვალიფიკაციის ამაღლების მსურველ პირებს, სამკურნალო მიზნით წამსვლელებს, უცხოეთში ახლო ნათესავების მყოფებს, ჟურნალისტებს და სხვა დარგის სპეციალისტებს შეეხებათ.
პროცედურულად გამარტივებული სავიზო რეჟიმი და რეადმისიის შესახებ შეთანხმება ძალაში დოკუმენტების ოფიციალურად გაფორმებიდან 9 თვეში შევა.