ხვალ, 26 ნოემბერს, 12.00 საათზე საქართველოს მთავარ პროკურატურაში (ოთაჭალა - გორგასლის ქ. №24) კონსერვატიული პარტიის დედაქალაქის საქმეთა მდივნის ლაშა ჩხარტიშვილის მხარდაჭერით ეროვნული ბიბლიოთეკისა და წიგნის პალატის ყოფილი თანამშრომლები შეიტანენ განცხადებას.
ისინი მოითხოვენ გამოძიებულ იქნას ეროვნულ ბიბლიოთეკაში შექმნილი მძიმე ვითარების გამომწვევი მიზეზები და ბიბლიოთეკის ადმინისტრაციის საქმიანობის კანონიერების საკითხი. გამოძიების აუცილებლობასთან დაკავშირებით დეტალური ინფორმაცია გახმოვანებულ იქნება განცხადების ჩაბარებამდე.