თუ ასეთი საჭიროება დადგება, კარანტინის რეჟიმი გამკაცრდება არა ლოკალურად, არამედ მთელი საქართველოს მასშტაბით, - განაცხადა დაავადებათა კონტროლის ეროვნული ცენტრის დირექტორმა, მოადგილე პაატა იმნაძემ.
კითხვაზე, დადგება თუ არა დღის წესრიგში ქალაქ რუსთავის მკაცრ საკარანტინო ზონად გამოცხადება, პაატა იმნაძე პასუხობს, რომ ეს ნაკლებად შესაძლებელია.
მისივე თქმით, თუ ასეთი საჭიროება დადგება, კარანტინის რეჟიმი გამკაცრდება არა ლოკალურად, არამედ მთელი საქართველოს მასშტაბით.
"საკარანტინო ზონა არის მთელი საქართველო დღეს. მთელს საქართველოში მოქმედებს საკმაოდ მკაცრი საკარანტინო ზომები. ამიტომ, დამატებით ამ საკარანტინო ზომებში თუ იქნება მისაღები რაიმე ღონისძიებები, ეს უკვე აღარ შეეხება ლოკალურად რაღაც დასახლებებს და ქალაქებს, შეიძლება, უბრალოდ, მთლიანად ქვეყანაში გამკაცრდეს საკარანტინო ზომები”, - განაცხადა პაატა იმნაძემ.
