მოსკოვის პოლიცია ეძებს კორონავირუსით ინფიცირებულ ქალს, რომელიც გაიქცა სახლიდან, სადაც ის კარანტინში იმყოფებოდა. იუწყება რუსული გამოცემა "ინტერფაქსი" წყაროზე დაყრდნობით.
"1975 წელს დაბადებულ ქალს დაუდასტურდა კორონავირუსული ინფექცია. იგი სახლში, კარანტინში დარჩა მოსკოვის ერთ-ერთ ქუჩაზე მდებარე ბინაში. თუმცა, სათვალთვალო კამერებმა აჩვენეს, რომ აკრძალვის მიუხედავად, მან სახლი დატოვა", - იუწყება გამოცემის წყარო.
გამოცემა შეეცადა დაკავშირებოდა გაქცეულ ქალს, თუმცა მისი ტელეფონი გამორთულია.