რუსეთი ირწმუნება, რომ კორონავირუსის სამკურნალო პრეპარატი შექმნა. ფედერალურმა სამედიცინო-ბიოლოგიურმა სააგენტომ განაცხადა, რომ ეს არის ახალი პრეპარატი, რომელიც მალარიის საწინააღმდეგო პრეპარატის “მეფლოქინის” საფუძველზეა შექმნილი.
მათვე ინფორმაციით, მკურნალობის გეგმა ჩინური და ფრანგული გამოცდილების გათვალისწინებით შეიმუშავეს.
"უჯრედთა კულტურაში შეღწევისას პრეპარატი ბლოკავს კორონავირუსის ციტოპათურ ეფექტს და ხელს უშლის მის რეპლიკაციას, ხოლო “მეფლოქინის” იმუნოსუპრესიური მოქმედება აფერხებს ვირუსით გამოწვეულ ანთებითი პასუხის აქტივაციას.
მაკროლიდური ანტიბიოტიკების და სინთეტიკური პენიცილინების დამატება არა მხოლოდ აფერხებს მეორადი ბაქტერიულ-ვირუსული სინდრომის ფორმირებას, არამედ ხელს უწყობს სისხლის პლაზმასა და ფილტვებში ვირუსსაწინააღმდეგო საშუალების კონცენტრაციის ამაღლებას”, - განაცხადა სააგენტოს ხელმძღვანელმა ვერონიკა სკვორცოვამ.
მისი თქმით, ახალი პრეპარატი უზრუნველყოფს COVID-19-ის სხვადსახვა სიმძიმის პაციენტების ეფექტურ მკურნალობას.