ცოტა ხნის წინ, საქართველოს პრემიერ-მინისტრმა მთავრობის ადმინისტრაციაში გამართულ ბრიფინგზე განაცხადა, რომ მთავრობამ ქვეყანაში საგანგებო მდგომარეობის გამოცხადებისთვის საქართველოს პრეზიდენტს მიმართა.
მისი თქმით, საგანგებო მდგომარეობა გამოცხადდება 1 თვის ვადით.
"საკარანტინო ზონებში გაზრდილი ადამიანთა რაოდენობა იმას ნიშნავს, რომ ინფექციის შეკავების ფაზიდან გადავდივართ გავრცელების ფაზაში", - თქვა პრემიერმა.
ჟურნალისტების მიერ დასმულ შეკითხვაზე, შეეხება თუ არა შეკრებების შეზღუდვა ეკლესიაში თავშეყრას, პრემიერმა ამგვარად უპასუხა - "იზღუდება 10 კაცზე მეტი ადამიანის თავშეყრა".
შეგახსენებთ, გუშინ გაიმართა საქართველოს ეკლესიის წმინდა სინოდის სხდომა, სადაც კორონავირუსის ირგვლივ არსებულ ვითარებაზე იმსჯელეს.
სინოდის გადაწყვეტილებით, ღვთიმსახურება ჩვეულ რეჟიმში გაგრძელდება, ხოლო ზიარების წესი არ შეიცვლება.
