შეერთებული შტატების ვიცე-პრეზიდენტის, მაიკ პენსის აპარატის თანამშრომელს კორონავირუსი დაუდგინდა. ამის შესახებ ნათქვამია ვიცე-პრეზიდენტის პრესმდივნის მიერ გავრცელებულ განცხადებაში.
"შეგატყობინეს, რომ ვიცე-პრეზიდენტის აპარატის თანამშრომელს აქვს დადებითი შედეგი კორონავირუსის ტესტზე. არც პრეზიდენტ ტრამპს და არც ვიცე-პრეზიდენტ პენსს არ ჰქონდათ მჭიდრო პირდაპირი კონტაქტი ამ პირთან", - განაცხადა პენსის პრესმდივანმა კეტი მილერმა.
მისივე განცხადებით, გრძელდება ინფიცირებული პირის კონტაქტების სიღრმისეული კვლევა.
პრეზიდენტმა დონალდ ტრამპმა ვიცე-პრეზიდენტი პენსი კორონავირუსის პანდემიასთან ბრძოლის საკოორდინაციო გუნდის მეთაურად წარადგინა.