ამერიკელი მეცნიერები კორონავირუსის სამკურნალოდ 2 ახალ მედიაკამენტზე მუშაობენ. ისინი მედიაკამენტებს ცდიან, რომლებიც მოსახლეობისთვის ფინანსურად ხელმისაწვდომი იქნება. იუწყება რადიო "ამერიკის ხმა".
ამჟამად, კოვიდ-19-ის წინააღმდეგ ვაქცინა არ არსებობს. ვირუსი სწრაფად გადადის წვეთოვანი გზით და პაციენტებს, მხოლოდ ზოგადი სამედიცინო დამხარების მიღება შეუძლიათ.
მიმდინარე კვირაში მინესოტის უნივერსიტეტმა 1,500 ადამიანის მონაწილეობით კვლევა დაიწყო იმის დასადგენად, შეიძლება თუ არა მალარიის სამკურნალო მედიკამენტმა თავიდან ააცილოს პაციენტს ან შეუმციროს კორონავირუსით გამოწვეული სიმპომები.
კიდევ 2 სხვა კვლევა სწავლობს იმას, შეუძლია თუ არა წნევის წამალ "ლოსარტანს" გამოდგეს ვირუსის სამკურნალოდ.
მალარიის სამკურნალო პრეპარატზე კვლევა ჩაატარეს ჩინეთში, ავსტრალიასა და საფრანგეთშიც. ამ პრეპარატს პოპულარიზაციას კომპანია "თესლას" აღმასრულებელი დირექტორი, ელონ მასკი უწევს, რომელმაც ის 2000 წელს დალია და მალარიისგან განიკურნა.
"ჩვენ ვცდილობთ, მეცნიერების ბერკეტები გამოვიყენოთ და ვნახოთ შეგვიძლია თუ არა რაიმეს გაკეთება კონტაქტების შეზღუდვის გარდა" - თქვა ექიმმა ჯეიკობ ტოლარმა, მინესოტის უნივერსიტეტის მედიცინის სკოლის რექტორმა. "შედეგები რამდენიმე კვირაში გვექნება" - დასძინა მან.
