29 თებერვლიდან ლუქსემბურგში არსებული ყველა საზოგადოებრივი ტრანსპორტი - რკინიგზა (გარდა პირველი კლასისა), ავტობუსი (ღამის რეისების გარდა) და ტრამვაი, უფასო გახდა.
როგორც იუწყებიან, საზოგადოებრივი ტრანსპორტი მანამდე ლუქსებურგის რამდენიმე ქალაქმაც გახადა უფასო, თუმცა დღეიდან ეს წესი ქვეყნის მთელ ტერიტორიაზე იმოქმედებს.
ხელისუფლების ეს გადაწყვეტილება უკავშირდება გზებზე ავტომობილების რაოდენობის შემცირება და განტვირთვა.
ცნობილია, რომ ლუქსემბურგის მეზობელი ქვეყნებიდან, საფრანგეთიდან, გერმანიასა და ბელგიიდან, ყოველდღიურად 200 ათასამდე ადამიანი სამუშაოდ ლუქსემბურგში მიემგზავრება.
საზოგადოებრივი ტრანსპორტის უფასოდ გახდომის გამო, მთავრობას ბიუჯეტიდან ყოველწლირად 41 მლნ ევროს გამოყოფა მოუწევს, რომელსაც მოქალაქეთა გადახდილი გადასახადებიდან დაფარავს.
ლუქსემბურგის დიდი საჰერცოგო ევროპის ერთ-ერთი ყველაზე პატარა ქვეყანაა, რომლის ფართობი 2 586 კვ. კილომეტრია. ქვეყნის მოსახლეობა დაახლოებით 607 ადამიანს შეადგენს.
მსოფლიო ბანკის მონაცემებით, ლუქსემბურგის მთლიანი შიდა პროდუქტი ერთ სულ მოსახლეზე 113 337 დოლარს შეადგენს.