თურქეთი აღარ შეუშლის ხელს სირიელი ლტოლვილების ევროპისკენ სვლას. ინფორმაციას Reuters-ი ავრცელებს თურქეთის ხელისუფლების ოფიციალურ პირზე დაყრდნობით.
გამოცემის ინფორმაციით, თურქეთის ხელისუფლებამ უკვე გასცა განკარგულება პოლიციის, სასაზღვრო და სანაპირო დაცვის სამსახურების მიმართ, რომ ლტოლვილებს ნება დართონ საზღვრის გადაკვეთისა ევროპის მიმართულებით.
აღნიშნული ცნობა მას შემდეგ გავრცელდა, რაც სირიაში, იდლიბის პროვინციაში ასადის რეჟიმის მიერ მხარდაჭერილმა სამხედრო შენაერთებმა თავდასხმა განახორციელეს თურქ სამხედროებზე.
თურქეთის მხარე აცხადებს, რომ სულ მცირე 29 თურქი ჯარისკაცი ემსხვერპლა ამ თავდასხმას, არიან დაშავებულებიც.
სხვა წყაროებით დაღუპულია 30-ზე მეტი თურქი სამხედრო.
