დანიის ჯანმრთელობისა და კეთილდღეობის ეროვნული საბჭოს, Socialstyrelsen-ის სოციალური მუშაკი ბრიტა ნისლენი სახელმწიფო პროგრამების ბიუჯეტიდან 117 მილიონი დანიური კრონის მითვისების ბრალდებით დააკავეს. იუწყება BBC-ი.
ბრიტა ნილსენი სოციალურ სამსახურში 40 წლის განმავლობაში მუშაობდა და კოორდინირებას წევდა პროგრამებს, რომლებიც სოციალურად დაუცველ და სხვა საჭიროების მქონე ადამიანებს აფინანსებდა.
სამშაბათს კოპენჰაგენის სასამართლომ მას ექვსნახევარი წლით პატიმრობა მიუსაჯა.
ეს შემთხვევა მეტისმეტად უჩვეულოა დანიისთვის, რადგან დანია საერთაშორისო ასპარეზზე ცნობილია თავისი გამჭვირვალობითა და კორუფციის ძალიან დაბალი დონის გამო.
დაკავებამდე ბრიტა ნილსენი სამხრეთ აფრიკაში გაიქცა, თუმცა მას შემდეგ რაც მასზეე ინტერპოლმა ძებნა გამოაცხადა, დათანმხდა, დანიის მთავრობას ჩაბარებოდა.
როგორც ირკვევა, ბრეტა ნილსენი თანხას სახელმწიფო ფონდებიდან 25 წლის განმავლობაში ითვისებდა.
2017 წელს ბრეტას სამსახურებრივი დამსახურებისთვის ვერცხლის ეროვნული მედლით დააჯილდოვეს.
ადგილობრივი მედიის ცნობით, სასამართლო განხილვების დროს, ბრეტა ირწმუნებოდა, რომ თანხების მითვისება მარტივი იყო, რადგამ სისტემაში არ არსებობდა თაღლითობის შემაკავებელი არანაირი მექანიზმი.
