ბაქოს უმსხვილეს სავაჭრო ცენტრ "სადარაქში" ხანძარი გაჩნდა. იუწყება აზერბაიჯანის საგანგებო სიტუაციების სამინისტროს პრესსამსახური.
ადგილობრივი მედიის ცნობით, ხანძრის შედეგად დაშავდა 10 ადამიანი, დაიწვა 60-მდე მაღაზია.
საგანგებო სიტუაციების სამინისტროს განცხადებით, ცეცხლის ჩაქრობის პროცესში, რომელმაც ერთ საათზე მეტ ხანს გასტანა, ორი ვერტმფრენიც მონაწილეობდა.
წინასწარი ინფორმაციით, ცეცხლის გაჩენა მოკლე ჩართვამ გამოიწვია. ამ დროისთვის ხანძარი ლიკვიდირებულია.
სავაჭრო ცენტრი "სადარაქი" მდებარეობს ბაქოს გარეუბანში, მისი ფართობი 100 ჰექტარია. მასში შედის საცალო და საბითუმო ვაჭრობის 12 ათასზე მეტი ობიექტი, ასევე სასოფლო-სამეურნეო პროდუქციის ბაზარი და საწყობები.
