საქართველოს პარლამენტის თავმჯდომარის მოადგილე და საპარლამენტო უმრავლესობის ლიდერი მამუკა მდინარაძე კვლავ არ ენდობა ეროვნულ დემოკრატიული ინსტიტუტის კვლევის შედეგებს, რომელიც ცოტა ხნის წინ გასაჯაროვდა.
მდინარაძის თქმით, კვლევის შედეგები თითქმის ყველა შემთხვევაში რამდენიმე ათეული პროცენტით სცდება არჩევნების საბოლოო შედეგებს.
"CRRC-ის მიერ ჩატარებული კვლევები, რაც არ არის ახალი ტენდენციურობასთან მიმართებაში. შეგვიძლია გავიხსენოთ 2016 წლის მარტის კვლევა, სადაც ქართულ ოცნებას ჰქონდა 15%. თუ გამოვალთ შესაბამისი ლოგიკიდან, მაშინ არჩევნებზე ქართულმა ოცნებამ აიღო 49% და მოიპოვა, საბოლოო ჯამში, საკონსტიტუციო უმრავლესობა.
ჯიუტად, სამწუხაროდ, საკმაოდ ავტორიტეტული კვლევითი ორგანიზაცია [NDI] ისევ CRRC-ის ატარებინებს კვლევებს, რომელიც არა სამი და ოთხი, ან 2%-ით, ან ცდომილების ფარგლებში, არამედ რამდენიმე ათეული პროცენტით აცდა, თითქმის ყველა შემთხვევაში, საბოლოო შედეგებს, რაც აისახა ხოლმე საარჩევნო შედეგებში", - განაცხადა მდინარაძემ.