ავსტრალიის ხელისუფლება ნახანძრალი ბუნების აღდგენისთვის 35 მლნ დოლარს გამოყოფს.
"დღეს, ჩვენ გამოვაცხადეთ 50 მლნ ავსტრალიური დოლარის (34.5 მლნ აშშ დოლარი) გამოყოფის შესახებ, რომელიც განადგურებული ბუნების აღდგენით სამუშაოებს მოხმარდება", - დაწერა ავსტრალიის ხაზინადარმა მიკრობლოგ "ტვიტერზე".
ხელისუფლების მიერ ველური ბუნების აღდგენისთვის თანხების გამოყოფაზე ისაუბრა ასევე გარემოს დაცვის მინისტრმა, რომელმაც აღნიშნა, რომ თანხის ნაწილი დაზარალებული ცხოველთა სახეობების გამრავლებას, მათ შორის კოალების პოპულაციის აღდგენას მოხმარდება.
ხანძარი ავსტრალიის ტერიტორიაზე სექტემბრიდან მძვინვარებს. ევროკავშირის კოპერნიკის მონიტორინგის პროგრამის ინფორმაციით, ხანძრის შედეგად ატმოსფეროში 400 მეგატონა ნახშირორჟანგი გამოიყო.
ხანძარს ემსხვერპლა 25 ადამიანი. დაიწვა მილიონობით ჰექტარი ტყის მასივი. განადგურდა ასეულობით საცხოვრებელი სახლი და ადმინისტრაციული შენობა.
სიდნეის უნივერსიტეტის კვლევის მიხედვით, ავსტრალიაში ტყის ხანძრებს ნახევარ მილიარდამდე ცხოველი ემსხვერპლა.
