ინდოეთის ხელისუფლებამ, სამხრეთ ინდოეთში, კერალას შტატში ორი ძვირადღირებული საცხოვრებელი კორპუსი ააფეთქა, რომელიც გარემოსდაცვითი წესების დარღვევით იყო აშენებული.
აპარტამენტის მაცხოვრებლები უყურებდნენ თუ როგორ დაინგრა მათი კუთვნილი აპარტამენტები და ინვესტიციები რამდენიმე წამში.
კორპუსების დანგრევის განკარგულება ინდოეთის უზენაესმა სასამართლომ გასულ წელს გამოსცა, რადგან დადგინდა, რომ ისინი გარემოსდაცვითი წესების უხეში დარღვევით იყო აგებული.
მთლიანობაში, განადგურებულ კორპუსებში 343 საცხოვრებელი ბინა იყო, სადაც 2000-მდე ადამიანი ცხოვრობდა.
ადგილობრივი ხელისუფლების ცნობით, სასამართლომ დეველოპერ კომპანიას თითოეული მოსახლისთვის დროებითი კომპენსაციის სახით 35 000 აშშ დოლარის გადახდა დაავალა.