მოსკოვში, კრემლში გერმანიის კანცლერ ანგელა მერკელისა და რუსეთის პრეზიდენტ ვლადიმერ პუტინის შეხვედრა მიმდინარეობს.
როგორც რუსული სააგენტო "ტასი" იტყობინება, შეხვედრის დაწყებამდე, ანგელა მერკელმა პუტინს მადლობა გადაუხადა მიწვევისა და მრავალ საკითხზე მსჯელობის შესაძლებლობისთვის.
"გმადლობ, ბატონო პრეზიდენტო მოსკოვში მოწვევისთვის. ჩვენ გვაქვს მთელი რიგი საკითხებისა განსახილველი, რომელიც ორივე მხარის ინტერესს წარმოადგენს. ამ საკითხებს შორის არის ლიბიასა და სირიაში არსებული ვითარება...
ყოველთვის ვფიქრობ, რომ სჯობს ვისაუბროთ ერთმანეთთან, ვიდრე ერთმანეთზე ", - თქვა მერკელმა.
შეხვედრაზე განხილული იქნება უკრაინაში კონფლიქტის დარეგულირების თემაც.
