FlyUIA-ს პრეზიდენტი ევგენი დიხნე აცხადებს, რომ ავიაკატასტროფაში ავიაკომპანიის და ეკიპაჟის წევრების ბრალეულობაზე ეჭვიც კი არ ჰქონია. როგორც ევგენი დიხნემ Facebook-ის პირად გვერდზე დაწერა, ავიაკატასტროფის შედეგად საუკეთესო ბიჭები და გოგოები დაიღუპნენ.
"ეჭვიც კი არ გაგვჩენია, რომ კატასტროფის მიზეზი ჩვენი საჰაერო ხომალდის გაუმართაობა ან ეკიპაჟის წევრები გახდნენ. ყველას მადლობას ვუხდი ვინც ჩვენთან ერთად ფიქრობდა და აანალიზებდა საკითხს. ჩვენთვის ეს მნიშვნელოვანია. საუკეთესო ბიჭები და გოგოები, საუკეთესოები. ვწუხვართ და ჩვენთან ერთად გლოვობს მთელი მსოფლიო. განადგურებულია 167 მგზავრისა და ეკიპაჟის 9 წევრის სიცოცხლე", - წერს დიხნე.
შეგახსენებთ, რომ ირანის ხელისუფლებამ უკრაინულმა თვითმფრინავის, როგორც თავად აცხადებენ, "შეცდომით" ჩამოგდება აღიარა. ირანის შეიარაღებული ძალების გენერალური შტაბის ხელმძღვანელობამ მომხდარს "ადამიანური" შეცდომა უწოდა.
მათივე განცხადებით, მომხდართან კავშირში მყოფი პირები პასუხს უმკაცრესად აგებენ.
ირანის ხელისუფლება ავიაკატასტროფის პირველივე დღიდან თვითმფრინავის ჩამოგდებას ძრავის აალებას უკავშირებდა და მომხდართან ყოველგვარ კავშირს კატეგორიულად უარყოფდა.