არაბეთის ზღვაში მცურავ შეერთებული შტატების მეხუთე ფლოტის შემადგენლობაში მყოფ გამანადგურებელ USS Farragut-ს რუსეთის სამხედრო ხომალდი "აგრესიულად მიუახლოვდა". იუწყება TIME-ი აშშ-ის სამხედრო-საზღვაო ფლოტზე დაყრდნობით.
აშშ-ის სამხედრო-საზღვაო ფლოტის სპიკერის ინფორმაციით, ამერიკულმა გამანადგურებელმა 5 გამაფრთხილებელი სიგნალი განახორციელა, რათა თავიდან აეცილებინათ შეტაკება.
რუსეთის ხომალმა მხოლოდ ბოლო წუთებში შეცვალა აღებული კურსი.
აღსანიშნავია, რომ რუსეთის ხელისუფლება, ტრადიციულად, განსხვავებულ ვერსიას ავრცელებს და ირწმუნება, თითქოს რუსულ ხომალდს ამერიკულმა გამანადგურებელმა გადაუჭრა გზა.
მეხუთე ფლოტის ინფორმაციით, შემთხვევა 9 იანვარს მოხდა.
