შეერთებული შტატების კონგრესის წარმომადნგელენთა პალატის სპიკერის ნენსი პელოსის თქმით, დონალდ ტრამპის იმპიჩმენტის მუხლები სენატში მომავალ კვირას გაიგზავნება. იტყობინება გამოცემა Politico.
სენატი განიხილავს წარმომადგენელთა პალატის მიერ შედგენილ დანაშაულის მუხლს, ან მუხლებს. სენატს სიმბოლურად, ნაფიც მსაჯულთა ჟიურის როლი ეკისრება, წარმომადგენელთა პალატას - ბრალმდებლის, დაცვის მხარეს პრეზიდენტის ადვოკატები უზრუნველყოფენ, უზენაესი სასამართლოს თავმჯდომარეს კი მოსამართლის ფუნქცია აქვს.
თუკი იმპიჩმენტს სენატორების 2/3 დაუჭერს მხარს, ეს საბოლოო განაჩენია და პრეზიდენტმა პოსტი უნდა დატოვოს.
სენატის კენჭისყრის შედეგი საბოლოოა, ის გასაჩივრებას არ ექვემდებარება. პრეზიდენტის გადადგომის შემდეგ, მის პოსტს იკავებს ვიცე-პრეზიდენტი.
წარმომადგენელთა პალატამ მხარი დაუჭირა პრეზიდენტ ტრამპის იმპიჩმენტს მხარი გასული წლის 19 დეკემებრს დაუჭირა.
წარმომადგენელთა პალატამ პრეზიდენტისთვის წაყენებულ ორ ბრალდებას ცალცალკე უყარა კენჭი.
კენჭისყრამდე კონგრესის ქვედა პალატაში 12-საათიანი დებატები გაიმართა.
პალატამ პრეზიდენტს ბრალი ძალაუფლების ბოროტად გამოყენებასა და კონგრესის მუშაობაში ხელის შეშლაში დასდო.
ძალაუფლების ბოროტად გამოყენების შესახებ ბრალდებას მხარი 230-მა კონგრესმენმა დაუჭირა, 197 წინააღმდეგ წავიდა.
კონგრესის მუშაობაში ხელის შეშლის ბრალდებას მხარი 229-მა კონგრესმენმა დაუჭირა, 198 წინააღმდეგ წავიდა.