შეერთებული შტატების პრეზიდენტმა დონალდ ტრამპმა განაცხადა, რომ მშვიდობის დარგში ნობელის პრემიას ის იმსახურებდა და არა ეთიოპიის პრემიერ-მინისტრი. ამის შესახებ მან ოჰაიოს შტატში საკუთარ მხარდამჭერებს განუცხადა.
"მსურს, გიამბოთ მშვიდობის დარგში ნობელის პრემიაზე. მე გადავარჩინე ქვეყანა [ეთიოპია] და ახლახან შევიტყვე, რომ სწორედ ამ ქვეყნის ხელმძღვანელმა აიღო ნობელის პრემია ქვეყნის გადარჩენისთვის", - უთხრა ტრამპმა მხარდამჭერებს.
2019 წლის ნობელის პრემია მშვიდობის დარგი ეთიოპიის პრემიერ-მინისტრს აბია აჰმედ ალის გადაეცა.
"რეგიონში მშვიდობის განმტკიცებისთვის გაწეული განსაკუთრებული ძალისხმევის გამო", - განაცხადა ნობელის კომიტეტის წარმომადგენელმა ოსლოში გამართულ ცერემონიაზე.