“ეს გადაწყვეტილება ნამდვილად არის პრეზიდენტის დამოუკიდებელი გადაწყვეტილება, - ასე შეაფასა პარლამენტის თავმჯდომარემ, არჩილ თაკალვაძემ პრეზიდენტის უარი დეკანოზ მამალაძის შეწყალებაზე.

მისი თქმით, პრეზიდენტს კონსტიტუციითა და კანონმდებლობით პრეზიდენტს აქვს დისკრეცია, თავად მიიღოს შეწყალებასთან დაკავშირებით გადაწყვეტილება.

„ბევრი საქმე იყო განხილული როგორც სჩანს, მე არ ვიცნობ პერსონალურად იმ ადამიანების საქმეებს, ვინც მიმართეს შეწყალებისთვის პრეზიდენტს, თუმცა მინდა გითხრათ, რომ პრეზიდენტის აქცენტები შეწყალების პრინციპებთან დაკავშირებით იყო სწორი და სახელმწიფოებრივი“, - თქვა თალაკვაძემ

პრეზიდენტმა დეკანოზი გიორგი მამალაძე არ შეიწყალა.მისი თქმით, საქმე ზედმეტად პოლიტიზირებულია და გადაწყვეტილებაზე თავად სრულად იღებს პასუხისმგებლობას.

"ბოლომდე მოვისმინე ადვოკატების არგუმენტები, დეტალურად გავეცანი წმინდა სინოდის შუამდგომლობას და მივიღე გადაწყვეტილება, რომელზეც მთლიანად ვიღებ პასუხისმგებლობას. ეს გადაწყვეტილება პირველ რიგში სამართლიანობის პრინციპს ეფუძნება. ვერ მოვნახე არგუმენტი, მითუმეტეს შეწყალების კრიტერიუმების გამკაცრების პირობებში, როცა ბევრი მსჯავრდებულის საქმე განხილული ვერ იქნებოდა, რატომ უნდა დაშვებულიყო გამონაკლისი დეკანოზ გიორგი მამალაძის საქმეზე" ,- განაცხადა სალომე ზურაბიშვილმა.

შეგახსენებთ, რომ წმინდა სინოდმა პრეზიდენტს  დეკანოზ გიორგი მამალაძის შეწყალების თხოვნით შუამდლომლობით მიმართა. პრეზიდენტის ადმინისტრაციამ შეწყალებასთან დაკავშირებული შუამდგომლობა საქართველოს საპატრიარქოდან 2019 წლის 8 ნოემბერს მიიღო. დეკანოზ მამალაძეს 2017 წლის 5 სექტემბერს 9 წლით თავისუფლების აღკვეთა შეეფარდა.